Yohanes 12:6 - Porjanjian Boharu Torjomahan Baso Dilakng Soari-ari

⁶ (Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

Yohanes 12:6 ပူးပေါင်းရင်းမြစ်များ

Yohanes 13:29

Ado inyo monyangko Yesus monyiuh Yudas momboli boko hal inyo dipontikan pakai' morayaan pogai Paskah nantai damo monyiuh Yudas pakai' botula' moonju' la'apo pan ko urakng jaro. Sia' bopikir sama'an nantai obai Yudas inyo monyimpatn kas duit sia'.)

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.

Yakobus 2:2

Soandainyo, ado siku' urakng dampu inyo mansu' ko dalapm tompat kaitn bokumpul. Io momakai cincipm omas huatan pakai'an boi'. Ado jam siku' urakng jaro inyo mansu'. Io momakai pakai'an inyo jaha'i.

1 Tesalonika 5:22

Jangan molabuhan somuo macapm kojahatan.

Galatia 2:10

Sia' bayo momuhun oca' koi hala monulukng urakng jaro. Memang aku udah somombondarnyo honda' molabuhan nantai.

1 Korintus 6:10

boko urakng inyo mongolit, boko urakng inyo kaha', boko urakng inyo gala' mabu', boko urakng inyo gala' monjahai'an urakng bukai, boko urakng inyo morampas umputn urakng bukai. Somuo urakng sama'an nian pasti kinyo paca'an mondapat bagian dalapm Koraja'an Allah.

Yohanes 10:13

Urakng nantai rari obai io bayo urakng upahan. Io co poduli agatn boko domba nantai.

Matius 21:13

Kato-Nyo ko sia', “Pomandiran Allah totulis dalapm buku Suci: ‘Rumah-Ku ia'an rumah pakai' bodoa.’ Apo kaitn monjadiannyo samo sama'an sayakng ponyamun!”

Yohanes 12:5

“Mapo minya' harupm nantai kinyo dijual sorogo tigo ratus dinar? Ongko duitnyo ulih dionju' ko boko urakng jaro!”