Yohanes 12:44 - Porjanjian Boharu Torjomahan Baso Dilakng Soari-ari

⁴⁴ Lalu Yesus bopandir agatn saro borakng, “Sotiap urakng inyo pocayo ko aku kinyo haja' pocayo ko aku, apo pocayo ko Allah jam inyo udah moutus Aku.

Yohanes 12:44 ပူးပေါင်းရင်းမြစ်များ

Matius 10:40

“Aman kaitn monorima' siku' nabi obai nabi nantai monyampaian posatn Allah, kaitn paca'an monorima' upah inyo samo sama'an inyo dionju' ko siku' urakng nabi. Aman kaitn monorima' urakng bondar obai io molabuhan inyo bondar dihadapan Allah, kaitn paca'an monorima' upah inyo samo sama'an inyo dionju' ko urakng bondar. Jadi, sotiap urakng inyo monorima' kaitn, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.

Markus 9:23

Apo Yesus monogur io, “Kulo bopandir, Aman Duatn ulih? Somuo ulih dilabuhan tiap urakng inyo pocayo.”

Markus 9:37

“Urakng inyo monorima' siku' bobia' sama'an ni'in obai Aku, rotinyo io monorima' Aku. Urakng inyo monorima' Aku, io bukainyo aja' monorima' Aku, apo monorima' Allah inyo moutus Aku.”

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 7:28

Jadi, watu Yesus mongajar di tongahlamanan Rumah Allah, Sio bopandir agatn saro borakng, “Kaitn konal Aku huatan doi' mono asal-Ku! Apo Aku datakng kinyo kohonda'-Ku siku'. Aku diutus Sio inyo bondar. Kaitn co tohuan Sio.

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.