Yohanes 12:42 - Porjanjian Boharu Torjomahan Baso Dilakng Soari-ari

⁴² Biar pan ado banya' urakng inyo co pocayo ko Yesus, apo di antaro pomimpitn banso Yahudi, ado banya' jam inyo pocayo. Apo sia' co borani moaku'i nantai agatn torus torakng obai sia' gola' agatn boko urakng Farisi. Sia' co honda' dirarakng sombayakng agi' di dalapm tompat nantai.

Yohanes 12:42 ပူးပေါင်းရင်းမြစ်များ

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Yohanes 7:13

Apo, conyiant ado urakng inyo borani bopandir torakng-torakan mongona'i Sio obai sia' gola' agatn boko pomimpitn agama Yahudi.

Matius 10:32

Sotiap urakng inyo moaku'i Aku di hadapan urakng bukai Aku pan paca'an moaku'inyo di hadapan Bopai-Ku inyo di sorugo.

1 Yohanes 4:15

Urakng inyo mongaku'i Yesus nam Ana' Allah, jadi Allah bosatu agatn urakng nantai huatan urakng nantai hidup bosatu agatn Allah.

1 Yohanes 4:2

Agatn caro inyo ninam kaitn tohu aman roh inyo ado di inyo boasal doi' Allah: Aman urakng nantai moaku'i obai Yesus Kristus udah datakng ko dunia ni'inan monjadi monsio, rotinyo roh inyo ado di dalapm dirinyo nian boasal doi' Allah.

Roma 10:10

Obai agatn hatinyo urakng pocayo, lalu io monjadi bondar di pohadapan Allah. Urakng mongaku'i agatn mulutnyo lalu io disolamant'an.

Kisah Boko Rasul 5:41

Boko rasul nantai botula' doi' santai tomaho rindakng, obai Allah moanggap sia' cucu' moalapi ajab sonsaro samo sama'an Yesus. Nanam caro Allah morogo'i sia'.

Yohanes 19:38

Lopas jadi nantai, Yusuf datakng ko gubernur Pilatus minto ijitn pakai' monurutan bangkai Yesus oca' dipasar. (Yusuf nantai boasal doi' kota Arimatea. Io nantai pan murid Yesus, apo kinyo socaro torakng-torakan, obai io gola' agatn boko pomimpitn Yahudi.) Pilatus moijitan io. Jadi, io botula' momocaki bangkai Yesus.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 11:45

Boko urakng Yahudi inyo datakng pakai' mohibur Maria, sia' moniant mujisat inyo udah dipulah Yesus nantai. Banya' doi' antaro sia' monjadi pocayo agatn Yesus.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Lukas 12:8

Dinga'anbo ni'in: Sotiap urakng inyo mongaku'i Aku dipohadapan boko urakng bukai obai io pocayo agatn Aku, Ana' Monsio pan paca'an moakui'nyo dipohadapan boko molekat Allah.

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Lukas 23:13

Pilatus mongumpulan boko imam kopala', boko pomimpitn, ongko boko rayat,

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”