Yohanes 12:38 - Porjanjian Boharu Torjomahan Baso Dilakng Soari-ari

³⁸ Nantai oca' tojadi pomandiran nabi Yesaya digonapi. Timpu joman komai io monulis pomandiran ni'inan: “Tuhatn, sopo inyo pocayo agatn borito inyo koi sampaian? Ko sopo Duatn monunju'an kuaso Duatn?”

Yohanes 12:38 ပူးပေါင်းရင်းမြစ်များ

Roma 10:16

Apo, kinyo somuo monsio monuruti Kabar Boi' nantai. Samo sama'an pomandiran nabi Yesaya: “Tuhatn, sopo inyo pocayo ko kabar koi?”

Roma 10:20

Solaitn nantai pan, nabi Yesaya borani momadahan pomandiran Allah ni'in, “Aku mombulah oca' boko urakng inyo kinyo monggoyapi Aku udah mongonal Aku. Boko monsio inyo kinyo botakutn mongona'i sopo Aku, Aku udah moniant'an diri-Ku ko sia'.”

1 Korintus 1:24

Apo pakai' boko urakng Yahudi huatan inyo kinyo urakng Yahudi inyo udah Allah pilih, Kristus monunju'an kuaso Allah huatan kopintar-corodi'an Allah.

Galatia 1:16

monyatoan Yesus ko aku. Allah molabuhan nantai oca' aku momboritoan ko boko urakng bukai Yahudi mongona'i Yesus. Jadi, aku dapat pongorotian mongona'i Yesus lansukng doi' Sio siku' huatan aku co minto siku' urakng pan momadahiku.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Yohanes 19:24

Boko projurit nantai bopandir ko siku'-monyiku', “Jangan kito birat-birat jubah ni'in. Mara kito boundi pakai' monontuan sopo inyo mondapat'annyo.” Nantai tojadi oca' lapo inyo ditulis di Buku Suci digonapi. Bunyi tulisannyo ni'in: “Sia' mombagi-bagi pakai'an-Ku. Sia' boundi pakai' jubah-Ku.” Hal nantai inyo dilabuhan boko projurit.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 15:25

Apo nantai tojadi oca' pomandiran ni'in monjadi nyata. Pomandiran ni'in ditulis dalapm Hukupm Torat sia', ia'an ‘sia' bonci'an Aku conyiant ado alasannyo.’

Matius 15:7

Jadi, sobondarnyo kaitn bayo pompadah boi'. Timpu joman komai, nabi Yesaya udah monyampaian pomandiran Allah mongona'i kaitn. Topat bondar pomandiran Allah ni'in:

Matius 27:35

Sia' momakuan Sio di kayu salib huatan moninjakan kayu salib nantai. Lopas nantai, boko projurit monguti' pakai'an Yesus. Sia' mombuakng undi pakai' monontuan sopo inyo paca'an mondapat'an pakai'an-Nyo.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 12:39

Obai nantai, sia' co pocayo. Obai, Yesaya pan udah bopandir dinga' ni'in: