Yohanes 12:36 - Porjanjian Boharu Torjomahan Baso Dilakng Soari-ari

³⁶ Pocayocam ko Torakng nantai somanah Torakng nantai ado bosamo kaitn. Sama'an nianam, kaitn monjadi boko urakng inyo hidup di dalapm Torakng.” Lopas Yesus bopandir ubo nantai, Sio botula' doi' santai, ongko diapm di tompat inyo kinyo dikotohu'i sia', di mono Sio bodiapm.

Yohanes 12:36 ပူးပေါင်းရင်းမြစ်များ

Matius 21:17

Lalu Sio moninggalan sia'. Sio botula' ko luar kota Yerusalem ko laman Betania lalu bomalapm di su'utn.

Matius 5:14

Kaitn ninam torakng dunia ni'in. Samo sama'an kota di pucu' bukit inyo co mungkitn toombakan.

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 11:54

Obai nantai, Yesus kinyo monongah agi' am di muka' umum di antaro boko urakng Yahudi nian. Sio moninggalan doerah nantai, lalu botula' kosobuah kota inyo bodamoan Efraim, dampikng padakng pasir. Sio diapm di santai bosamo agatn boko murid-Nyo.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 12:46

Aku udah datakng ko dunia ni'in sobagai torakng oca' somuo urakng inyo pocayo ko aku jangan diapm di dalapm potakng.

Yohanes 3:21

Apo, somuo urakng inyo bulah boko hal inyo bondar, sia' datakng ko torakng. Oca' kotiat'an obai porbuatan sia' sosuai agatn la'apo inyo dikohonda'i Allah.”

Yohanes 8:12

Yesus bopandir agi' ko urakng banya'. Kato-Nyo, “Aku ninam torakng dunia. Sotiap urakng inyo tuyut Aku, io co paca'an bojalatn di kompotakan, apo io paca'an ado torakng pakai' kohidupannyo.”

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.

Efesus 5:8

Memang komainyo kaitn bodiapm di dalapm kogolapan. Apo watu ni'in kaitn udah mansu' ko dalapm torakng obai kaitn mongonal Tuhatn Yesus. Jadi, kaitn gola' hidup agatn caro inyo sosuai pakai' boko urakng inyo hidup di dalapm torakng.

1 Tesalonika 5:8

Kito hidup di dalapm torakng. Obai nantai am, kito gola' bososiap agatn bojago-jago huatan molinduki diri. Kito gola' hala molinduki diri agatn totap hala pocayo ko Yesus, hala mongasihi, huatan bondar-bondar moharap'an Yesus inyo monyolamant'an kito. Boko hal nantai samo sama'an baju bosi huatan tokulu' bosi molinduki bukakng-tubuh siku' urakng projurit.