Yohanes 12:28 - Porjanjian Boharu Torjomahan Baso Dilakng Soari-ari

²⁸ Bopai, muliaancam damo Duatn!” Ongko ado saro Allah doi' sorugo inyo mongatoan, “Aku udah momuliaan-Nyo. Aku paca'an momuliaan-Nyo agi'!”

Yohanes 12:28 ပူးပေါင်းရင်းမြစ်များ

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

2 Petrus 1:17

Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.

Efesus 3:21

Topujiam Sio obai Sio mulia! Kohonda'nyo Allah dipuji obai Kristus Yesus ongko di dalapm boko urakng inyo pocayo ko Sio. Kohonda'nyo Allah dipuji turutn-tomurutn sampai somanah-manahnyo. Amin!

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

Efesus 2:7

Nantai am caronyo Allah monunju'an kasih karunia-Nyo ko kito dalapm Kristus Yesus. Allah molabuhan nantai oca' pado masa-masa nononyo boko urakng ulih moniant obai Sio kotakng boi'.

Yohanes 18:11

Apo Yesus bopandir ko io, “Sarukan podakng nan ko sarukngnyo. Apo bai kolai pikir Aku co paca'an minum doi' cangkir pondorita'an inyo dionju' Bopai ko Aku?”

Yohanes 11:4

Pas Yesus mondinga' kabar nantai, Sio bopandir, “Ponyakit ni'in kinyo sampai momati'imo. Apo ni'in tojadi oca' monsio ulih moniant obai Allah mulia huatan oca' urakng ulih mongotohu'i obai Ana' Allah dimuliaan jam.”

Yohanes 9:3

Timbas Yesus, “Io buto bukainyo obai dosanyo siku' damo obai dosa urakng tuhonyo. Apo io buto oca' boko urakng ulih moniant lapo inyo paca'an tojadi agatn io, ia'an oca' boko urakng ulih moniant boko pokoroja'an Allah.

Lukas 9:35

Allah bopandir doi' dalapm awatn nantai, “Ninam Ana'-Ku inyo Ku pilih. Dinga'an cam Pomandiran-Nyo!”

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Markus 14:36

Kato-Nyo, “Oi Bopai-Ku, lopasan bo Aku doi' ajab sonsaro inyo paca'an Ku alapi ni'in. Apo jangan monuruti kohonda'-Ku, apo ongkah monuruti kohonda' Duatn ja'am bopai inyo tojadi.”

Markus 9:7

Lopas nantai, ado awatn datakng monungkau'i sia'. Ongko Allah bopandir doi' dalapm awatn nantai, “Ninam Ana'-Ku inyo kotakng kokidah Ku. Pondinga'ancam Io!”

Markus 1:11

Lalu kodinga'an saro Allah doi' sorugo momadahan, “Kolainam Ana'-Ku inyo Ku kasihi. Kolainam monyonangan hati-Ku.”

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 11:26

Ihai, Bopai, caro nantai monyonangan hati Duatn!”