Yohanes 12:27 - Porjanjian Boharu Torjomahan Baso Dilakng Soari-ari

²⁷ Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 12:27 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 11:26

Ihai, Bopai, caro nantai monyonangan hati Duatn!”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 26:45

Lalu, Sio bobali' agi' ko boko murid-Nyo. Kato-Nyo, “Kaitn ija' tidu' ongko botongga', bai? Tiatbo, watunyo datakam pakai' Ana' Monsio disorahan ko boko urakng inyo bodosa.

Lukas 22:44

Yesus maho salu'. Jadi, Sio mongkitn somombondarnyo bodoa. Rada'-Nyo ubo darah tatap ko tanah.

Lukas 22:53

Sotiap ari Aku hala ada'an agatn kaitn di tongahlamanan Rumah Allah, apo timpu nantai kaitn co monangkap Aku. Apo ninam watunyo kaitn labuh, watu Rajo Sitatn bulah pokoroja'annyo inyo jahat.”

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Yohanes 13:21

Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Ibrani 5:7

Watu Yesus hidup di dunia ni'in sobagai monsio, Sio bodoa kapikng mondorah huatan monangis. Sio momuhun ko Allah inyo sanggup monyolamant'an-Nyo doi' komatian. Allah monimbasi doa-Nyo obai Sio hala monuruti kohonda' Allah.