Yohanes 12:23 - Porjanjian Boharu Torjomahan Baso Dilakng Soari-ari

²³ Kato Yesus ko sia', “Udah datakam watunyo Ana' Monsio dimuliaan.

Yohanes 12:23 ပူးပေါင်းရင်းမြစ်များ

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 26:45

Lalu, Sio bobali' agi' ko boko murid-Nyo. Kato-Nyo, “Kaitn ija' tidu' ongko botongga', bai? Tiatbo, watunyo datakam pakai' Ana' Monsio disorahan ko boko urakng inyo bodosa.

Markus 14:35

Lopasnyo, Yesus bojalatn sodikit lobih jouh. Sio tundu' monyungkapan lalu bodoa. Dalapm doa-Nyo, Sio minto aman ulih Sio jangan moalapi watu ajab sonsaro inyo paca'an tojadi.

Markus 14:41

Lopas nian, Yesus botula' kotigo kalinyo. Watu Sio bobali', Sio bopandir ko sia', “Kaitn pagutn tidu' ongko torahat bai?! Jadiam! Watunyo udah tuntukam pakai' Ana' Monsio disorahan ko boko urakng inyo bodosa.

Yohanes 12:16

(Timpu nantai, boko murid Yesus co mongoroti boko hal nantai. Apo, lopas Yesus dimuliaan molalu'i komatian huatan konoi'an-Nyo ko sorugo, hoyu' sia' mongoroti obai boko hal nian totulis mongona'i Yesus. Sia' mongoroti obai boko hal ni'in inyo sia' pulah ko Yesus, udah sosuai agatn pomandiran nabi nantai.)

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)