Yohanes 12:20 - Porjanjian Boharu Torjomahan Baso Dilakng Soari-ari

²⁰ Timpu poraya'an Paskah, boko urakng datakng ko Yerusalem honda' monyombah Allah. Di antaro sia' ado boboropo urakng Yunani.

Yohanes 12:20 ပူးပေါင်းရင်းမြစ်များ

Markus 7:26

momuhun ko Yesus pakai' monundukng roh jahat nantai doi' ana' botina'nyo. Apo, botina' nantai bukainyo urakng Yahudi. Sio doi' Fenisia di propinsi Siria.

Yohanes 12:1

Onam ari sobolupm poraya'an Paskah mula'i, Yesus datakng agi' ko laman Betania, ia'an laman Lazarus inyo udah dipulah Yesus bobali' hidup doi' komatian.

Yohanes 12:19

Ongko boko pomimpitn agama Yahudi doi' kolompok Farisi, sia' bopandir siku'-monyiku', “Kito samo sokali kinyo ulih morarakng sia'. Porotianbo! Somuo urakng botula' tuyut Sio!”

Yohanes 7:35

Obai nantai, boko pomimpitn agama Yahudi bopandir ko siku'-monyiku', “Sio ni'in honda' botula' ko mono jadi kito culih monomuan Sio? Kata'an Sio honda' botula' ko boko urakng Yahudi inyo diapm di porantauan kironyo, di antaro urakng Yunani, lalu mongajar urakng Yunani?

Kisah Boko Rasul 14:1

Paulus ongko Barnabas tuntukng di kota Ikonium. Di kota nantai sia' botula' ko rumah sombayakng agama Yahudi doholu, samo sama'an inyo udah sia' labuhan di kota Antiokhia. Di su'utn, sia' mongajar agatn caro luar biaso. Jadi, boko urakng Yahudi huatan boko urakng inyo bukainyo urakng Yahudi monjadi pocayo ko Yesus.

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

Kisah Boko Rasul 17:4

Sobagi'an urakng Yahudi doi' kota nantai monjadi pocayo ongko monjadi pongikut Yesus samo sama'an Paulus agatn Silas. Ado jam boko urakng Yunani inyo doholu udah monjadi urakng inyo pocayo ko Allah. Cukup banya' doi' sia' monjadi pocayo ko Yesus. Banya' botina' inyo pontikng pan monjadi pocayo ko Yesus jam.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 21:28

huatan mondorah, “Oi urakng Yahudi, tulukngbo! Ninam io inyo mongajar somuo urakng di mono-mono pakai' molawatn banso kito. Io mongajar urakng pakai' molawatn porintah huatan poraturan Allah inyo ditulis Musa dalapm buku Hukupm Torat. Io jam mongajar urakng pakai' co morogo'i Rumah Allah ni'in. Malahan timpu ni'in io udah bulah kotor socaro rohani tompat suci ni'in obai io mombaba' urakng bukai Yahudi ko si'itn.”

Kisah Boko Rasul 8:27

Jadi Filipus bososiap ongko botula'. Di jalatn nantai, io moniant siku' urakng Etiopia. Urakng Etiopia nantai ia'an siku' urakng pojabat tinggi. Io kopala' bendahara inyo bokorojo pakai' ratu Etiopia. Tontai pojabat nantai botula' sombayakng ko Yerusalem,

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 10:12

Urakng Yahudi ongko urakng bukainyo urakng Yahudi disolamant'an agatn caro inyo samo. Conyiant pobedaan obai ongkah ado siku' Tuhatn inyo bokuaso di pucu' somuo monsio ongko Sio momborokati somuo monsio inyo minto tulukng ko Sio.

Galatia 2:3

Titus bosamo agatn aku timpu nantai. Io nantai bukainyo urakng Yunani. Apo ruponyo sia' kinyo momoso oca' io disunant.

Galatia 3:28

Kaitn somuo monjadi satu dalapm Kristus Yesus. Allah kinyo monyongkayoan antaro urakng Yahudi damo urakng bukainyo Yahudi; antaro hulutn damo urakng bebas; antaro lolaki damo botina'.

Kolose 3:11

Dalapm hidup boharu ni'in, bukai-mombukai antaro urakng kinyo pontikng, contohnyo antaro urakng Yahudi agatn urakng inyo bukainyo urakng Yahudi, antaro urakng bosunant agatn urakng inyo kinyo bosunant, antaro urakng doi' banso Barbar inyo co dikonal agatn urakng doi' banso Skit inyo dorako, antaro hulutn agatn urakng bebas. Apo inyo palikng pontikng ia'an Kristus. Sio ado di dalapm boko urakng inyo pocayo.