Yohanes 12:2 - Porjanjian Boharu Torjomahan Baso Dilakng Soari-ari

² Di santai ado acara makatn bosamo pakai' mohormati Yesus. Marta pan jumpat molayati boko urakng di santai. Lazarus ado di antaro boko urakng inyo dudu' makatn bosamo agatn Yesus.

Yohanes 12:2 ပူးပေါင်းရင်းမြစ်များ

Matius 26:6

Di kota Betania, Yesus ado di rumah Simon komainyo boponyakit kulit inyo bogola'i.

Markus 14:3

Di laman Betania, Yesus ado di rumah Simon inyo komainyo boponyakit kulit inyo bogola'i. Timpu Sio tongahan dudu' makatn, ado botina' datakng ko Sio. Botina' nantai mombaba' botul pualam inyo boisi minya' harupm inyo kotakan mahal rogonyo. Io momatahan lihi' botul nantai, lopasnyo monuyung minya' nantai ko kopala' Yesus pakai' morogo'i Sio.

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Lukas 14:12

Lopas nantai Yesus bopandir ko urakng Farisi umputn rumah tompat sia' makatn, “Aman kolai moadoan pogai ongko makatn tongah ari damo makatn malapm, jangan mohundakng boko pokawalan, boko somadikan, boko koluarga bosar, damo boko totangga inyo dampu. Jangan mohundakng sia' obai sia' ulih mohundakng kolai agi'. Ongkah nantaiam monjadi balasan inyo kolai tajahan dapat.

Lukas 22:27

Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Lukas 5:29

Ongko di rumahnyo, Lewi moadoan pogai pakai' Yesus. Banya' ponagih pajak ongko boko urakng bukai jumpat makatn sosamo agatn sia'.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.