Yohanes 12:17 - Porjanjian Boharu Torjomahan Baso Dilakng Soari-ari

¹⁷ Ado banya' urakng inyo bosamo Yesus timpu Sio mombulah Lazarus bobali' hidup doi' komatian huatan moningkau io koluar doi' dalapm pasaran. Boko urakng inyo moniant nantai torus momboritoan hal nantai ko boko urakng bukai.

Yohanes 12:17 ပူးပေါင်းရင်းမြစ်များ

Wahyu 1:2

Dalapm buku ni'in Yohanes monulis mongona'i Pomandiran Allah huatan mongona'i boko hal inyo Yesus Kristus nyatoan ko io, ia'an boko la'apo inyo Yohanes tiat dalapm poniant'an nantai.

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

Yohanes 19:35

(Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Yohanes 12:9

Banya' urakng Yahudi mondinga' obai Yesus ado di Betania. Ongko, sia' botula' ko su'utn. Sia' co haja' honda' moniant Yesus, apo sia' honda' moniant Lazarus inyo Yesus pulah bobali' hidup doi' komatian.

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Yohanes 11:42

Aku tohu Duatn hala mondinga'an Aku. Apo, Aku mongatoan ni'in obai urakng banya' inyo ado di si'itan; oca' sia' pocayo obai Duatn inyo moutus Aku.”

Yohanes 11:31

Ado boko urakng Yahudi inyo tongahan mohibur Maria di rumah. Sia' moniant Maria bodiritn, botula' koluar. Sia' bopikir Maria botula' ko pasaran pakai' monangis di santai. Jadi, sia' tuyutnyo jam.

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Yohanes 1:32

Yohanes pan mongisahan, katonyo, “Aku udah moniant Roh Allah turutn doi' langit samo sama'an burukng daro. Roh Allah nantai mohinggap di pucu' Yesus.

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.