Yohanes 12:1 - Porjanjian Boharu Torjomahan Baso Dilakng Soari-ari

¹ Onam ari sobolupm poraya'an Paskah mula'i, Yesus datakng agi' ko laman Betania, ia'an laman Lazarus inyo udah dipulah Yesus bobali' hidup doi' komatian.

Yohanes 12:1 ပူးပေါင်းရင်းမြစ်များ

Lukas 24:50

Lopas nantai Yesus mombaba' boko murid-Nyo doi' kota Yerusalem ko laman Betania. Di santai Sio moangkat longan-Nyo, lalu momborokati sia'.

Yohanes 12:20

Timpu poraya'an Paskah, boko urakng datakng ko Yerusalem honda' monyombah Allah. Di antaro sia' ado boboropo urakng Yunani.

Yohanes 11:55

Watu nantai, Ari Rayo Paskah pakai' urakng Yahudi dampikam. Urakng banya' doi' boko laman udah botula' ko kota Yerusalem pakai' jumpat upacara agama inyo bulah sia' borosih agi' sobolupm pogai Paskah nantai mula'i.

Yohanes 11:1

Ado siku' urakng inyo boponyakit. Damonyo Lazarus. Io diapm di desa Betania bosamo agatn koduo somadikannyo Maria agatn Marta.

Matius 21:17

Lalu Sio moninggalan sia'. Sio botula' ko luar kota Yerusalem ko laman Betania lalu bomalapm di su'utn.

Yohanes 11:44

Lalu, koluaram io udah mati nantai. Longan kakinyo ija' ada'an koitn putih pongotakng bangkai nantai. Mato-muhonyo pan ija' totutup agatn koitn. Kato Yesus ko boko urakng di santai, “Puculcam koitn nian, oca' io ulih bojalatn.”

Markus 11:11

Lopas sia' datakng ko Yerusalem, Yesus mansu' ko tongahlamanan Rumah Allah. Sio borotian somuo inyo tojadi di santai. Apo obai ari udah hampir malapm, Sio bobali' ko Betania bosamo agatn koduo bolas murid-Nyo.

Lukas 7:37

Ado siku' urakng botina' inyo tokonal di kota nantai obai hala hidup dalapm dosa. Watu io mondingaꞌ Yesus tongahan makatn di rumah urakng Farisi nantai, datakam io mombaba' sobotul minya' harupm.

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 12:9

Banya' urakng Yahudi mondinga' obai Yesus ado di Betania. Ongko, sia' botula' ko su'utn. Sia' co haja' honda' moniant Yesus, apo sia' honda' moniant Lazarus inyo Yesus pulah bobali' hidup doi' komatian.

Yohanes 12:12

Kohobu'annyo, urakng banya' inyo udah datakng pakai' morayaan pogai Paskah, sia' mondinga' borito obai Yesus tongahan dalapm pojalatan monuju Yerusalem.