Yohanes 11:8 - Porjanjian Boharu Torjomahan Baso Dilakng Soari-ari

⁸ Kato sia', “Guru, bolupm manah boko urakng Yahudi di suntai honda' monikapm Duatn agatn batu. Mapo Duatn ija' honda' bobali' kosu'utan?”

Yohanes 11:8 ပူးပေါင်းရင်းမြစ်များ

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Matius 23:8

Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

Yohanes 10:31

Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 10:39

Lopas jadi Yesus mongatoan nantai, sia' bousaha agi' monangkap Sio. Apo Sio lopas doi' jari sia'.

Yohanes 11:19

Jadi, banya' urakng Yahudi udah datakng ko Marta huatan Maria pakai' mohibur sia' obai somadikan sia' mati.

Yohanes 4:31

Watu nantai, boko murid Yesus minto oca' Sio makatn. Kato Sia', “Guru, makatn cam.”

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.