Yohanes 11:57 - Porjanjian Boharu Torjomahan Baso Dilakng Soari-ari

⁵⁷ Watu nantai, boko imam kopala' huatan boko urakng Farisi udah mongoluaran porintah ni'in: Aman ado urakng inyo mongotohu'i di mono Yesus boado, urakng nian gola' molaporannyo agatn sia', oca' sia' ulih monangkap Yesus.

Yohanes 11:57 ပူးပေါင်းရင်းမြစ်များ

Yohanes 10:39

Lopas jadi Yesus mongatoan nantai, sia' bousaha agi' monangkap Sio. Apo Sio lopas doi' jari sia'.

Yohanes 11:46

Apo boboropo urakng di antaro sia' botula' ko boko pomimpitn agama Yahudi doi' kolompok Farisi. Sia' mongisahan ko boko urakng Farisi la'apo inyo udah dipulah Yesus nantai.

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.