Yohanes 11:53 - Porjanjian Boharu Torjomahan Baso Dilakng Soari-ari

⁵³ Jadi, mula'i ari nantai boko pomimpitn urakng Yahudi sopakat pakai' mombunuh Yesus.

Yohanes 11:53 ပူးပေါင်းရင်းမြစ်များ

Matius 12:14

Apo boko urakng Farisi nantai koluar ongko bulah gogadatn pakai' mombunuh Yesus.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 22:46

Co nyiant siku' pan urakng inyo ulih monikaki Yesus. Doi' ari nantai, co nyiant inyo borani monjebak Sio agatn potakutan agi'.

Matius 26:4

Sia' mohoupan poroncana'an oca' ulih monangkap Yesus socaro diapm-diapm lalu mombunuh Sio.

Matius 26:59

Boko imam kopala' ongko somuo Majelis agama Yahudi, sia' bousaha goyap buti oca' Yesus ulih dihukupm mati. Jadi, sia' bogoyap boko urakng inyo paca'an moonji'i kosasian inyo kinyo bondar molawatn Yesus.

Markus 14:1

Boko imam kopala' ongko boko guru agama Yahudi honda' mombunuh Yesus. Sia' bogoyap caro pakai' monangkap Sio agatn caro kinyo dikotohu'i urakng. Apo, duo ari agi' ari Rayo Paskah huatan ari rayo Roti kinyo Boragi dampikng am.

Markus 3:6

Jadi, boko urakng Farisi koluar, copat bohoupm agatn boko urakng inyo mondukukng Rajo Herodes. Bosamo-samo sia' bohajat pakai' mombunuh Yesus.

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 12:10

Obai la'apo inyo tojadi ko Lazarus nantai, banya' urakng Yahudi moninggalan boko imam kopala' ongko pocayo ko Yesus. Obai nantaiam, boko imam kopala' bohajat pakai' mombunuh Lazarus jam.

Yohanes 7:1

Lopas jadi nantai, Yesus bojalatn mongoliliki doerah Galilea. Sio co honda' ko doerah Yudea obai boko pomimpitn agama Yahudi di santai honda' mombunuh Sio.

Kisah Boko Rasul 5:33

Timpu boko pomimpitn Yahudi mondinga' nantai, oso ditujah hati sia' sampai honda' mombunuh boko rasul nantai.

Kisah Boko Rasul 9:23

Lopas watunyo udah cukup manah, boko urakng Yahudi inyo kinyo pocayo borito Saulus nantai bohajat pakai' mombunuh Saulus.