Yohanes 11:48 - Porjanjian Boharu Torjomahan Baso Dilakng Soari-ari

⁴⁸ Aman kito hala mombiaran Sio, somuo urakng paca'an pocayo agatn-Nyo. Sio paca'an monjadi rajo sia'. Jadi boko urakng Roma inyo monguaso'i kito ni'in, sia' paca'an mohancuran Rumah Allah kito huatan soluruh banso kito.”

Yohanes 11:48 ပူးပေါင်းရင်းမြစ်များ

Matius 22:7

Rajo nantai kotakan godi. Sio monyiuh tontaranyo pakai' mombunuh boko urakng inyo mombunuh boko hulutnnyo nantai. Sio pan monyiuh tontaranyo pakai' moncucul kota sia'.

Matius 22:9

Jadi botula'cam ko boko posimpakan jalatn. Hundakngcam somuo urakng inyo kaitn tomu'i di santai oca' sia' datakng ko pogai kawitn ni'in.’

Matius 24:15

“Timpu joman komai Nabi Daniel bopandir mongona'i ‘ado siku' urakng jahat inyo mombonasoan.’ Urakng nantai paca'an bodiritn di tompat inyo suci. (Porotiancam oca' urakng inyo mombaco ni'in mongotohu'i rotinyo.) Yesus molajuan pandir-Nyo, Aman kaitn moniant pomandiran nabi Daniel nianan monjadi nyata,

Matius 27:25

Timbas somuo urakng banya' nantai, “Biaram koi huatan boko bobia' koi botanggukng jawab mongona'i komatian-Nyo!”

Lukas 11:52

“Allah tajahan mohukupm kaitn boko guru agama Yahudi, obai ponyongkal pakai' mombuka' lawakng pongotohuan mongonaꞌi Allah kaitn kuti', apo kaitn siku' kinyo honda' mansu' ko dalapm pakai' bogoyap pongotohuan nantai. Sobali'nyo kaitn hala mohalaki boko urakng inyo bousaha mansu'.”

Lukas 8:12

Bonih inyo jatu' di jalatn nantai ubo boko urakng inyo monorima' pomandiran Allah. Apo lopas nian datakng Iblis, bulah sia' tongkolupatn agatn pomandiran Allah. Sampai hati sia' kinyo pocayo. Jadi sia' kinyo disolamant'an.

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”