Yohanes 11:42 - Porjanjian Boharu Torjomahan Baso Dilakng Soari-ari

⁴² Aku tohu Duatn hala mondinga'an Aku. Apo, Aku mongatoan ni'in obai urakng banya' inyo ado di si'itan; oca' sia' pocayo obai Duatn inyo moutus Aku.”

Yohanes 11:42 ပူးပေါင်းရင်းမြစ်များ

Yohanes 3:17

Obai, Allah moutus Ana'-Nyo ko dunia ni'in pakai' monyolamant'an boko urakng, bukainyo pakai' mohukupm boko urakng.

Yohanes 17:21

Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Ibrani 5:7

Watu Yesus hidup di dunia ni'in sobagai monsio, Sio bodoa kapikng mondorah huatan monangis. Sio momuhun ko Allah inyo sanggup monyolamant'an-Nyo doi' komatian. Allah monimbasi doa-Nyo obai Sio hala monuruti kohonda' Allah.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 17:8

Obai, Aku udah momadahannyo ko sia' somuo pomandiran inyo Duatn onju' ko aku. Lalu, sia' monorima' pomandiran Duatn nantai. Sia' tohu obai Aku bondar-bondar datakng doi' Duatn. Sia' pocayo obai Duatnnam inyo moutus Aku.

Yohanes 11:22

Apo watu ni'in pan, aku pocayo obai Allah paca'an moonji'i lapo ja' inyo Duatn minto agatn-Nyo.”

Matius 26:53

Pasti aman Aku minto ko Bopai-Ku, Sio paca'an hagarmo mongiripan lobih doi' duo bolas pasukan tontara molekat pakai' monulukng Aku.

Galatia 4:4

Apo topat watu inyo ditontuan Allah, Sio moutus Ana'-Nyo, ko dunia ni'in inyo lahir doi' siku' urakng botina'. Yesus monaati somuo porintah ongko poraturan Allah inyo ditulis Musa dalapm buku Hukupm Torat.

Yohanes 11:31

Ado boko urakng Yahudi inyo tongahan mohibur Maria di rumah. Sia' moniant Maria bodiritn, botula' koluar. Sia' bopikir Maria botula' ko pasaran pakai' monangis di santai. Jadi, sia' tuyutnyo jam.

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

Yohanes 8:29

Sio inyo moutus Aku ado bosamo-Ku. Sio co moninggalan Aku sonsiku'an, obai Aku hala molabuhan la'apo inyo monyonangan hati-Nyo.”

Yohanes 8:16

Biar pan Aku mohakipi, koputusan-Ku nantai bondar. Obai, Aku co mohakipi sonsiku'an Ku. Allah Bopai inyo moutus-Ku ado bosamo-Ku.

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Yohanes 12:17

Ado banya' urakng inyo bosamo Yesus timpu Sio mombulah Lazarus bobali' hidup doi' komatian huatan moningkau io koluar doi' dalapm pasaran. Boko urakng inyo moniant nantai torus momboritoan hal nantai ko boko urakng bukai.