Yohanes 11:39 - Porjanjian Boharu Torjomahan Baso Dilakng Soari-ari

³⁹ Kato Yesus, “Pindahan batu nantai.” Apo, Marta, somadikan urakng inyo mati nantai, io monimbas, “Tuhatn, Lazarus udah mati somanah ompat ari. Pasti udah bou buru'am!”

Yohanes 11:39 ပူးပေါင်းရင်းမြစ်များ

Markus 16:3

Di tongah jalatn sia' bopandir ko siku'-monyiku', “Sopo am inyo paca'an mombarikan batu ponutup oca' kito ulih mansu' ko dalapm gua pasaran nantai?”

Yohanes 11:17

Pas Yesus datakng di Betania, bangkai Lazarus udah dalapm gua pasaran somanah ompat ari.

Kisah Boko Rasul 13:36

Daud molabuhan kohonda' Allah pado watu io hidup mo. Io mati ongko dipasaran di tompat inyo samo agatn angki-bayatnnyo. Bangkai Daud memang monjadi buru' di pasaran nantai.

Kisah Boko Rasul 2:27

Aku mooso logo obai Duatn co paca'an mombiaran Aku totap mati. Duatn co paca'an mombiaran utusan Duatn inyo Suci sampai momburu' di pasaran obai Aku hala taat huatan sotia agatn Duatn.

2 Korintus 2:16

Bagi urakng inyo paca'an bonaso, koi samo sama'an bou buru' inyo mombaba' komatian. Apo, bagi urakng inyo paca'an disolamant'an, koi samo sama'an bou harupm inyo mombaba' kohidupan inyo sobondarannyo. Apo sopo bai inyo sanggup molabuhan tugas inyo sama'an ni'in?

Filipi 3:21

Sio ado kuaso pakai' mombulah somuo la'apo pan tundu' agatn Sio. Agatn kuaso-Nyo nantai, bukakng-tubuh kito ni'in inyo lomah ongko ulih diloloan, Sio tajahan morubah monjadi samo sama'an bukakng-tubuh Sio inyo mulia.