Yohanes 11:32 - Porjanjian Boharu Torjomahan Baso Dilakng Soari-ari32 Watu Maria datakng di tompat Yesus huatan moniant Io, lansukng Maria tundu' monyungkapan di pohadapan kaki-Nyo. Kato Maria ko Sio, “Tuhatn, soandainyo Duatn ado di si'itan sobolupmnyo, pasti somadikanku kinyo mati.” အခန်းကိုကြည့်ပါ။ |
Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”
Di antaronyo ado kopala' rumah sombayakng bodamo Yairus. Sio ongkah ado siku' ana', bobia' nantai botina', boumur kiro-kiro duo bolas tohutn, io tongahan sakit honda' matiam. Jadi, Yairus tundu' di kaki Yesus, momuhun oca' Yesus datakng ko rumahnyo pakai' monyamani ana'nyo nantai. Dalapm pojalatan ko rumah nantai, boko urakng banyaꞌ mongorumuni Yesus doi' somuo arah.