Yohanes 11:28 - Porjanjian Boharu Torjomahan Baso Dilakng Soari-ari

²⁸ Lopas jadi Marta bopandir bunyi nantai, io botula' moningkau somadikannyo Maria. Marta bongkucapan ko Maria. Katonyo, “Guru ado di si'itan. Sio honda' botomu agatn kulo.”

Yohanes 11:28 ပူးပေါင်းရင်းမြစ်များ

Matius 26:18

Timbas Yesus, “Mansu' ko kota Yerusalem ko urakng nantai inyo kito konal. Padahan ko io, ‘Guru ado posatn. Watu pakai' Sio hampir datakam. Sio honda' morayaan Paskah di dalapm rumah kolai bosamo-samo agatn boko murid-Nyo.’ ”

Markus 10:49

Yesus botongga' huatan bopandir, “Tingkau am io!” Ongko, sia' moningkau urakng buto nantai. Kato sia' ko io, “Lolangunt! Bodiritn cam, Yesus moningkau kulo!”

Markus 14:14

Padahan ko puku' rumah nantai: ‘Koi disiuh Guru oca' botakutn, di mono ruakan inyo ulih dipakai Sio pakai' makatn Paskah bosamo agatn boko murid-Nyo?’

Lukas 22:11

Pandiran ko urakng umputn rumah nantai: ‘Guru botakutn di mono ruakan inyo ulih Sio gunoan pakai' makatn Paskah bonsamoan agatn boko murid-Nyo?’

Yohanes 1:41

Jadi, watu nantai, Andreas kotakng hagar monomu'i Simon. Katonyo ko somadikannyo nantai, “Udah kotomuan koi am Mesias!” (‘Mesias’ rotinyo ‘Kristus’, ia'an Rajo Inyo Dijanjian Allah.)

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 10:3

Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Yohanes 11:20

Pas Marta mondinga' obai Yesus datakng, Marta botula' pakai' mohimpai-Nyo. Apo Maria tinggal di rumah.

Yohanes 11:29

Mondinga' nantai, Maria copat io bodiritn, lalu botula' monomu'i Yesus.

Yohanes 11:30

(Watu Yesus ija' ada'an di tompat Marta monomu'i Sio. Sio bolupm mansu' ko dalapm laman nantai.)

Yohanes 13:13

Kaitn moningkau Aku, ‘Guru’ huatan ‘Tuhatn’. Nantai bondar, obai Aku memang Guru huatan Tuhatn.

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Yohanes 21:7

Murid inyo dikasihi Yesus nantai bopandir ko Petrus, “Nantai Tuhatn!” Pas Petrus mondinga' nantai, io mongona'an pakai'annyo obai tontainyo io co bopakaian. Lalu, io torojutn ko ara'i, bononang ko pantai.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.

Ibrani 12:12

Obai nantai, boko somadikan, pulah cam longan kaitn inyo lomah monjadi kuat. Pokutut kaitn inyo bogogora' gola' monjadi kuat jam.