Yohanes 11:25 - Porjanjian Boharu Torjomahan Baso Dilakng Soari-ari

²⁵ Kato Yesus ko io, “Aku ninam inyo mombulah urakng bobali' hidup doi' komatian. Aku jam moonji'i urakng hidup inyo sobondarnyo. Sotiap urakng inyo pocayo ko aku, biar pan io mati, io totap paca'an hidup.

Yohanes 11:25 ပူးပေါင်းရင်းမြစ်များ

Lukas 23:43

“Pocayocam,” kato Yesus ko io, “Ari ni'in kolai tajahan sosamo agatn Aku di sorugo.”

Yohanes 1:4

Sio nam sumber kohidupan. Kohidupan inyo Sio onju' nantai am Torakng pakai' monsio.

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Yohanes 5:21

Bopai bulah boko urakng mati lalu bobali' hidup, huatan moonji'i sia' kohidupan inyo sobondarnyo. Ubo nian jam Ana' moonji'i kohidupan inyo sobondarnyo ko sopo ja' sosuai kohonda'-Nyo.

Yohanes 5:26

Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

Yohanes 6:44

Conyiant ado siku' urakng pan ulih datakng ko aku kocuali Allah Bopai mombaba'nyo ko Aku inyo diutus Allah. Aku paca'an mombulah io hidup agi' watu ahir joman.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

1 Korintus 15:18

Ubo nian jam agatn boko urakng pocayo ko Kristus inyo udah mati. Sia' udah bonaso.

1 Korintus 15:29

Jadi, pasti Allah paca'an bulah boko urakng bobali' hidup doi' komatian. Ado di antaro kaitn inyo dibaptis pakai' mowakili urakng bukai inyo udah mati. Soandainyo urakng mati samo sokali co paca'an dihidupan agi' doi' komatian, jadi inyo sia' labuhan nantai co nyiant pasalnyo.

2 Korintus 4:14

Obai, koi pocayo obai Allah inyo udah mombulah Tuhatn Yesus bobali' hidup, ubo nian jam paca'an bulah koi hidup agi' pakai' hidup kokal bosamo agatn Yesus. Allah paca'an mombaba' koi bosamo-samo agatn kaitn kopohadapan diri-Nyo.

Filipi 1:23

Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

Filipi 3:10

Aku bondar-bondar honda' mongonal Kristus. Aku honda' moalapi kuaso inyo mombulah Sio bobali' hidup agi' doi' komatian. Aku honda' tuyut mondorita' samo sama'an Sio ongko rela mati samo sama'an Sio.

1 Tesalonika 4:14

Apo kito pocayo obai Yesus mati huatan udah bobali' hidup. Obai nantai, kito yakitn obai boko urakng pocayo ko Yesus inyo udah mati paca'an hidup agi' jam. Obai nantai, kito yakitn obai molalu'i Yesus, Allah paca'an mongumpulan boko urakng pocayo inyo udah mati bosamo-samo agatn Yesus.

Wahyu 1:18

Aku ninam inyo Hidup. Aku udah mati, apo porotiancam, Aku hidup pakai' somanah-manahnyo. Aku monjujut kunci huatan bokuaso tohadap komatian ongko dunia urakng mati

Wahyu 20:5

Ninam potamo kalinyo boko urakng mati dihidupan agi'. (Apo boko urakng mati inyo bukainyo kinyo bobali' dihidupan agi' sampai masa soribu tohutn nantai udah habis.)

Wahyu 21:4

Sio paca'an mohapus somuo ara'i mato doi' mato sia'. Boko urakng kinyo paca'an mati agi', kinyo paca'an bulikng agi', kinyo paca'an monangis agi', kinyo paca'an mooso kompodihan agi'. Obai, boko hal inyo manah nantai udah dihilakanam.”

Wahyu 22:1

Lalu, molekat nantai monunju'an ko aku sungai inyo ara'inyo moonji'i kohidupan. Sungai nantai joronih bondar tontu sama'an kristal, huatan mongalir doi' tahta Allah ongko doi' Ana' Domba nantai.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.