Yohanes 11:20 - Porjanjian Boharu Torjomahan Baso Dilakng Soari-ari

²⁰ Pas Marta mondinga' obai Yesus datakng, Marta botula' pakai' mohimpai-Nyo. Apo Maria tinggal di rumah.

Yohanes 11:20 ပူးပေါင်းရင်းမြစ်များ

1 Tesalonika 4:17

Lopas nantai, kito inyo ija' hidup paca'an diangkat ko pucu' awatn sosamo agatn sia'. Kito paca'an botomu Tuhatn di langit. Doi' watu nantai sampai somanah-manahnyo, kito paca'an bodiapm sosamo agatn Sio.

Kisah Boko Rasul 28:15

Boko urakng pocayo doi' kota Roma udah mondinga' borito mongona'i koi. Jadi, ado doi' sia' datakng monomu'i koi di laman Balai Apius. Inyo bukainyo botomu koi di laman Balai Tigo. Timpu Paulus moniant sia' somuo, io bosukur ko Allah. Hatinyo mongkitn dikuatan.

Kisah Boko Rasul 10:25

Pas Petrus tuntukng di rumahnyo, Kornelius lansukng tundu' monyungkapan di hadapan kaki Petrus.

Yohanes 11:30

(Watu Yesus ija' ada'an di tompat Marta monomu'i Sio. Sio bolupm mansu' ko dalapm laman nantai.)

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Matius 25:6

Watu tongah malapm, sopongirap ado urakng inyo mondorah, ‘Pongantitn lolaki datakam. Mara sambutcam io!’