Yohanes 11:2 - Porjanjian Boharu Torjomahan Baso Dilakng Soari-ari

² (Maria ninam botina' inyo kalo monuyung minya' harupm di kaki Tuhatn, huatan momalit'i agatn rambutnyo.) Pas watu Lazarus sakit,

Yohanes 11:2 ပူးပေါင်းရင်းမြစ်များ

Markus 14:3

Di laman Betania, Yesus ado di rumah Simon inyo komainyo boponyakit kulit inyo bogola'i. Timpu Sio tongahan dudu' makatn, ado botina' datakng ko Sio. Botina' nantai mombaba' botul pualam inyo boisi minya' harupm inyo kotakan mahal rogonyo. Io momatahan lihi' botul nantai, lopasnyo monuyung minya' nantai ko kopala' Yesus pakai' morogo'i Sio.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Lukas 7:19

Ongko Yohanes moningkau duo urakng muridnyo, huatan monyiuh sia' botula' monomu'i Tuhatn Yesus pakai' botakutn ko Sio, “Apobai Duatn ninam kila'an Rajo Inyo Dijanjian Allah, kata'an koi gola' ija' monanti kodatakan urakng bukai?”

Yohanes 11:21

Kato Marta ko Yesus, “Tuhatn, soandainyo Duatn ado di si'itan sobolupmnyo, somadikanku kinyo mati.

Yohanes 11:3

koduo somadikan botina'nyo nantai boposatn ko Yesus. Kato sia', “Tuhatn, somadikan koi inyo Duatn kasihi nantai tongahan boponyakit.”

Yohanes 11:32

Watu Maria datakng di tompat Yesus huatan moniant Io, lansukng Maria tundu' monyungkapan di pohadapan kaki-Nyo. Kato Maria ko Sio, “Tuhatn, soandainyo Duatn ado di si'itan sobolupmnyo, pasti somadikanku kinyo mati.”

Yohanes 12:3

Lalu Maria mombaba' sotongah liter minya' harupm inyo murni. Minya' nantai kotakng mahal apo io monuyungnyo ko kaki Yesus lalu momalit'i inyo agatn rambutnyo. Soluruh rumah nantai monjadi harupm obai minya' harupm nantai.

Yohanes 13:13

Kaitn moningkau Aku, ‘Guru’ huatan ‘Tuhatn’. Nantai bondar, obai Aku memang Guru huatan Tuhatn.

Yohanes 13:14

Biar pan Aku ni'in Guru huatan Tuhatn kaitn, Aku udah molayati kaitn agatn mombasu'i kaki kaitn. Jadi, kaitn pan gola' mombasu'i kaki siku'-monyiku'.