Yohanes 11:19 - Porjanjian Boharu Torjomahan Baso Dilakng Soari-ari

¹⁹ Jadi, banya' urakng Yahudi udah datakng ko Marta huatan Maria pakai' mohibur sia' obai somadikan sia' mati.

Yohanes 11:19 ပူးပေါင်းရင်းမြစ်များ

Lukas 10:39

Marta ado somadikan botina'nyo bodamo Maria. Maria hala dudu' dampikng Yesus mondingaꞌan boko ajaran-Nyo.

Lukas 10:42

Apo bayo sobuti' mo inyo bondar-bondar pontikng. Somadikan kolai udah momilih hal inyo toboi' nantai, mondingaꞌan boko ajaran-Ku. Hal nantai kinyo paca'an dikuti' doi' io.”

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 11:1

Ado siku' urakng inyo boponyakit. Damonyo Lazarus. Io diapm di desa Betania bosamo agatn koduo somadikannyo Maria agatn Marta.

Yohanes 11:31

Ado boko urakng Yahudi inyo tongahan mohibur Maria di rumah. Sia' moniant Maria bodiritn, botula' koluar. Sia' bopikir Maria botula' ko pasaran pakai' monangis di santai. Jadi, sia' tuyutnyo jam.

Yohanes 11:33

Maria monangis huatan boko urakng Yahudi inyo datakng bosamo agatn io monangis jam. Pas Yesus moniant nantai, hati-Nyo kotakan salu'.

Yohanes 11:36

Lalu, boko urakng Yahudi nantai bopandir, “Tiat, Sio bondar-bondar mongasihi Lazarus!”

Yohanes 11:45

Boko urakng Yahudi inyo datakng pakai' mohibur Maria, sia' moniant mujisat inyo udah dipulah Yesus nantai. Banya' doi' antaro sia' monjadi pocayo agatn Yesus.

Yohanes 11:8

Kato sia', “Guru, bolupm manah boko urakng Yahudi di suntai honda' monikapm Duatn agatn batu. Mapo Duatn ija' honda' bobali' kosu'utan?”

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

2 Korintus 1:4

Sio monguat'an hati koi dalapm boko pondorita'an koi. Agatn ubo nian, Sio bulah koi ulih monguat'an hati boko urakng bukai dalapm boko pondorita'an sia'. Koi monguat'an hati sia' samo sama'an Allah monguat'an hati koi.

1 Tesalonika 4:18

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.