Yohanes 11:11 - Porjanjian Boharu Torjomahan Baso Dilakng Soari-ari

¹¹ Ubo nianam kato Yesus. Lopas nian, Sio bopandir ko sia', “Lazarus, kawal kito, udah tidu'am. Apo, Aku paca'an botula' ko su'utn pakai' mohuasan io.”

Yohanes 11:11 ပူးပေါင်းရင်းမြစ်များ

Matius 27:52

Boko lubakng pasaran tobuka' lalu banya' urakng doi' umant Allah hidup agi' doi' komatian.

Matius 9:24

Ongko Sio bopandir ko sia', “Koluarcam, obai bobia' nantai kinyo mati. Io bayo tidu'.” Apo, sia' monontao'i Sio.

Markus 5:39

Lopas Sio mansu' ko rumah, Sio bopandir ko sia', “Hibo kaitn ranja' ongko monangis? Bobia' nantai kinyo mati. Io bayo tidu'!”

Yohanes 11:10

Apo, urakng inyo bojalatn watu malapm, io topanjur obai conyiant ado torakng di dalapm dirinyo.”

Yohanes 11:12

Kato boko murid-Nyo, “Tuhatn, aman Lazarus tidu', nono io paca'an nyamanam.”

Yohanes 11:13

Sobondarnyo, agatn kato ‘tidu'’ Yesus bomasud Lazarus udah mati. Apo sia' bopikir Yesus bomasud Lazarus bayo tidu' mo sama'an biaso.

Yohanes 11:3

koduo somadikan botina'nyo nantai boposatn ko Yesus. Kato sia', “Tuhatn, somadikan koi inyo Duatn kasihi nantai tongahan boponyakit.”

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

1 Korintus 15:18

Ubo nian jam agatn boko urakng pocayo ko Kristus inyo udah mati. Sia' udah bonaso.

1 Korintus 15:34

Jadi, kaitn gola' bopikir agi' agatn boboi'. Jangan hala bulah dosa! Aku mongatoan nantai obai ado di antaro kaitn inyo kinyo bondar-bondar mongonal Allah. Aku honda' oca' kaitn mooso malu mongona'i nantai.

1 Korintus 15:51

Dinga'anbo! Aku honda' momadahan sosuatu ko kaitn inyo komai kinyo dikotohu'i urakng: Kinyo somuo kito paca'an mati. Apo Allah paca'an morubah bukakng-tubuh kito somuo watu trompet toahir bobunyi. Nantai tojadi dalapm watu sopongirap mo. Allah paca'an bulah boko urakng mati monjadi hidup agi'. Sia' paca'an diubah oca' ulih hidup somanah-manahnyo. Somuo kito inyo ija' hidup watu nantai paca'an diubah sama'an nantai jam.

Efesus 5:14

Nantaiam sobabnyo ado pomandiran ni'in, “Oi kulo inyo tidu', huascam! Kulo inyo mati, bobali' hidup cam! Kristus paca'an bosinar ko kulo.”

1 Tesalonika 5:10

Sio udah mati pakai' monanggukng hukupan dosa kito. Pado watu Sio datakng agi', boi' kito ija' hidup damo pan udah mati, somuo kito inyo pocayo ko Sio paca'an hidup bosamo-samo agatn Sio.

Yakobus 2:23

Kojadian ubo nian pakai' mombutian obai la'apo inyo ditulis mongona'i Abrahapm memang bondar. Di Buku Suci ditulis, “Abrahapm pocayo ko Allah. Obai nianam, io monjadi bondar di hadapan Allah.” Jadi, io disobut “Kawal Allah.”