Yohanes 10:6 - Porjanjian Boharu Torjomahan Baso Dilakng Soari-ari

⁶ Yesus mongisahan poumpamoan nantai ko boko urakng Farisi, apo sia' co mongoroti la'apo inyo dimasud-Nyo.

Yohanes 10:6 ပူးပေါင်းရင်းမြစ်များ

Matius 13:34

Yesus mongajar somuonyo nantai, ko boko urakng agatn caro momakai poumpamoan. Sio hala momakai poumpamoan pakai' mongajar sia'. Sio co kalo monyampaian la'apo pan ko sia' aman co momakai poumpamoan.

Matius 13:51

Lalu Yesus botakutn ko boko murid-Nyo, “Kata'an kaitn mongoroti somuonyo nantai?” Sia' monimbas, “Au, koi mongoroti.”

Markus 4:34

Yesus hala momakai poumpamoan aman Sio mongajar boko urakng nantai. Apo aman Sio siku' agatn boko murid-Nyo, Sio monjolasan somuonyo ko sia'.

Yohanes 16:25

Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.

Yohanes 16:29

Lalu, boko murid-Nyo bopandir, “Nah, watu ni'in Duatn bopandir torus-torakng, co momakai poumpamoan.

Yohanes 6:52

Mondinga' nantai, boko urakng Yahudi nantai botikakng agatn siku' monyiku'. Kato sia', “Ubo apo Sio ulih monyorahan isi-Nyo ko kito pakai' dipua'i?”

Yohanes 6:60

Lopas jadi mondinga' pomandiran Yesus nantai, banya' murid-Nyo bopandir agatn siku'-monyiku', “Ajaran nantai tolalu borat. Sopo ulih monurutinyo!”

Yohanes 7:36

La'apo masud Sio bopandir, Kaitn paca'an monggoyapi Aku, apo kaitn co paca'an botomu agatn Aku. Kaitn culih datakng ko tompat Aku nononyo?”

Yohanes 8:27

(Sia' co mongoroti obai Sio bopandir ko sia' mongona'i Allah Bopai.)

Yohanes 8:43

Mapo kaitn co mongoroti pomandiran-Ku? Ninam sobabnyo: Obai kaitn co honda' mondinga' bobondar ajaran-Ku.

1 Korintus 2:14

Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

2 Petrus 2:22

Porbuatan sia' nantai monunju'an obai poumpamoan ni'in bondar: “Kudu' paca'an makatn agi' apo inyo udah dimutahannyo.” Huatan “Babi inyo udah dimandi'i paca'an bobali' agi' mongudakng di dalapm luta'.”

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.