Yohanes 10:4 - Porjanjian Boharu Torjomahan Baso Dilakng Soari-ari

⁴ Lopas jadi pongombolo nantai mombaba' somuo domba umputnnyo ko luar doi' kandakan nantai, io bojalatn di pohadapan boko dombanyo. Boko domba nantai tuyut io obai boko dombanyo nantai mongonal saronyo.

Yohanes 10:4 ပူးပေါင်းရင်းမြစ်များ

Matius 16:24

Lopas nian Yesus bopandir ko boko murid-Nyo, “Aman siku' urakng bondar-bondar honda' monjadi murid-Ku, io gola' moninggalan kosonangan dirinyo siku'. Io gola' momikul kayu salibnyo huatan hala tuyut Aku.

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 10:27

Boko domba-Ku mondinga'an saro-Ku. Aku mongonal sia' huatan sia' tuyut Aku.

Yohanes 10:3

Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Yohanes 10:5

Boko dombanyo nantai co paca'an tuyut urakng bukai. Sia' paca'an rari doi' urakng nian obai sia' co mongonal saronyo.”

Yohanes 10:8

Somuo urakng inyo datakng sobolupm Aku, sia' nam pongolit ongko porampok. Apo boko domba co mondinga'an saro sia'.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Yohanes 13:15

Obai, Aku moonji'i toladatn ni'in ko kaitn oca' kaitn molayati inyo bukai, samo sama'an Aku udah molayati kaitn.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

1 Korintus 11:1

Jadi, turuticam toladatnku nantai, samo sama'an aku monuruti toladatn Kristus.

Efesus 5:1

Obai nantai, boko somadikan, sobagai poana'an Allah inyo dikasihi-Nyo, kaitn gola' moikuti toladatn Allah.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

1 Petrus 2:21

Obai, Allah momilih kaitn pakai' nantai. Kristus siku' moonji'i contoh oca' kaitn moniru porbuatan-Nyo. Ia'an, Sio udah totap kuat mondorita' pakai' kaitn.

1 Petrus 4:1

Obai Kristus udah mondorita' socaro jasmani, jadi kaitn pan gola' monguat'an diri kaitn agatn pikiran obai kaitn tajahan mondorita' samo sama'an Sio jam. Obai, urakng inyo mondorita' socaro jasmani, io udah botongga'am bulah dosa.

1 Petrus 5:3

Jangan buhau botindak ubo rajo, tohadap sia' inyo dipocayo'i Allah pakai' kaitn. Apo, kaitn gola' monjadi toladatn sia'.