Yohanes 10:35 - Porjanjian Boharu Torjomahan Baso Dilakng Soari-ari

³⁵ Kito tohu obai la'apo inyo totulis dalapm Buku Suci nantai culih dibalakan. Jadi, aman sia' inyo monorima' pomandiran Allah nantai disobut boko allah,

Yohanes 10:35 ပူးပေါင်းရင်းမြစ်များ

Matius 24:35

Pocayocam agatn pomandiran-Ku, obai biar pan langit huatan bumi paca'an boahir, pomandiran-Ku totap kinyo tohu boahir.

Matius 27:35

Sia' momakuan Sio di kayu salib huatan moninjakan kayu salib nantai. Lopas nantai, boko projurit monguti' pakai'an Yesus. Sia' mombuakng undi pakai' monontuan sopo inyo paca'an mondapat'an pakai'an-Nyo.

Matius 5:18

Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Lukas 16:17

Apo, boko Porintah Allah totap bolaku. Biar pan langit ongko bumi mungkitn ulih hilakng, apo Hukupm Torat kinyo paca'an mungkitn ado bagian kotakng kocit pan inyo tajahan balakng.

Yohanes 10:34

Timbas Yesus ko sia', “Dalapm Hukupm Torat kaitn ditulis obai Allah bopandir, ‘Kaitn nam allah’?

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Roma 13:1

Somuo urakng gola' monaati pomorintah obai Allah inyo moonji'i kuaso ko sia' pakai' momorintah. Allah monotap'an somuo pomorintah inyo ado.