Yohanes 10:32 - Porjanjian Boharu Torjomahan Baso Dilakng Soari-ari

³² Apo Yesus bopandir ko sia', “Kaitn udah moniant Aku molabuhan banya' pokoroja'an boi' doi' Bopai-Ku. Doi' somuo pokoroja'an nantai, inyo buai mono bulah kaitn honda' monikapm Aku agatn batu?”

Yohanes 10:32 ပူးပေါင်းရင်းမြစ်များ

1 Yohanes 3:12

Jangan kito sama'an Kain doi' joman komai. Sio nam ana' Rajo Sitatn inyo mombunuh adikngnyo. Hibo Kain molabuhan nantai? Obai somuo inyo io labuhan jahat apo somuo inyo dilabuhan adikngnyo bondar.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Yohanes 10:37

Soandainyo Aku co molabuhan boko pokoroja'an Bopai-Ku, kaitn jangan pocayo ko aku.

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Matius 11:5

Urakng buto moniant. Urakng lumpuh bojalatn. Urakng boponyakit kulit inyo bogola'i jadi nyamanam. Urakng tingal mondinga'. Urakng mati bobali' hidup agi'. Kabar Boi' diboritoan ko urakng jaro.

Yohanes 10:25

Timbas Yesus ko sia', “Aku udah momadahannyo ko kaitn, apo kaitn co pocayo. Aku molabuhan boko pokoroja'an dalapm damo Bopai-Ku. Boko pokoroja'an nantai mombutian mongona'i Aku.

Yohanes 10:31

Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 10:33

Kato sia', “Koi honda' monikapm Duatn agatn batu bukainyo obai pokoroja'an boi' inyo Duatn labuhan, apo obai Duatn mohayam Allah. Duatn bayo monsio mo, apo Duatn monyamoan diri Duatn agatn Allah!”