Yohanes 10:31 - Porjanjian Boharu Torjomahan Baso Dilakng Soari-ari

³¹ Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 10:31 ပူးပေါင်းရင်းမြစ်များ

Matius 12:14

Apo boko urakng Farisi nantai koluar ongko bulah gogadatn pakai' mombunuh Yesus.

Matius 21:35

Apo boko potani ponyewa kobutn nantai monangkap boko hulutn nantai. Inyo siku' sia' pantu, inyo siku' agi' sia' bunuh, huatan inyo siku' urakng bukai agi' sia' tikapi agatn batu.

Matius 23:35

Obai nantaiam, kaitn paca'an monanggukng hukupan obai pombunuhan somuo urakng inyo co nyiant kosalahannyo, mula'i doi' pombunuhan Habel sampai ko pombunuhan nabi Zakharia, ana' Berekhya. Obai kaitn siku' udah mombunuh nabi Zakharia di antaro mesbah huatan Rumah Allah.

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 10:24

Ado boko urakng Yahudi datakng bokumpul di sokolilikng Yesus. Kato sia' ko Sio, “Boropo manah agi' Duatn mombiaran koi gangga'-gua'an! Aman Duatn memang Kristus, Rajo Inyo Dijanjian Allah, padahancam agatn torus torakng ko koi.”

Yohanes 10:32

Apo Yesus bopandir ko sia', “Kaitn udah moniant Aku molabuhan banya' pokoroja'an boi' doi' Bopai-Ku. Doi' somuo pokoroja'an nantai, inyo buai mono bulah kaitn honda' monikapm Aku agatn batu?”

Yohanes 11:8

Kato sia', “Guru, bolupm manah boko urakng Yahudi di suntai honda' monikapm Duatn agatn batu. Mapo Duatn ija' honda' bobali' kosu'utan?”

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 8:59

Pas sia' mondinga' Yesus bopandir bunyi nantai, sia' monguti' boko batu pakai' monikapm Sio sampai mati. Apo Yesus monggolinsi, lalu botula' moninggalan Rumah Allah.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!