Yohanes 10:3 - Porjanjian Boharu Torjomahan Baso Dilakng Soari-ari

³ Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Yohanes 10:3 ပူးပေါင်းရင်းမြစ်များ

2 Timotius 2:19

Apo Allah bulah pondasi inyo kuat, inyo kinyo toguyakng. Di pucu' pondasi nantai totulis, “Tuhatn mongonal boko urakng inyo bondar-bondar umputn Sio,” huatan “Urakng inyo bopandir aman io nantai umputn Allah, urakng nantai gola' botongga' molabuhan inyo jahat.”

Yohanes 10:4

Lopas jadi pongombolo nantai mombaba' somuo domba umputnnyo ko luar doi' kandakan nantai, io bojalatn di pohadapan boko dombanyo. Boko domba nantai tuyut io obai boko dombanyo nantai mongonal saronyo.

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 10:14

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

Yohanes 6:45

Di dalapm Buku boko nabi, ado tulisan ni'in: ‘Allah paca'an moajari sia' somuo.’ Jadi, somuo urakng inyo mondinga' huatan bolajar doi' Allah Bopai, sia' datakng ko aku.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

1 Korintus 16:9

Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.

Yohanes 10:9

Aku ninam lawakngnyo. Sotiap urakng inyo mansu' molalu'i Aku, io paca'an solamant. Io paca'an koluar-mansu', monomuan padakng rumput.

1 Yohanes 4:6

Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

3 Yohanes 1:14

Aku boharap co manah agi' aku ulih monjongu' kolai lalu kito ulih bopandir bohadapan.