Yohanes 10:27 - Porjanjian Boharu Torjomahan Baso Dilakng Soari-ari

²⁷ Boko domba-Ku mondinga'an saro-Ku. Aku mongonal sia' huatan sia' tuyut Aku.

Yohanes 10:27 ပူးပေါင်းရင်းမြစ်များ

Matius 16:24

Lopas nian Yesus bopandir ko boko murid-Nyo, “Aman siku' urakng bondar-bondar honda' monjadi murid-Ku, io gola' moninggalan kosonangan dirinyo siku'. Io gola' momikul kayu salibnyo huatan hala tuyut Aku.

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 25:12

Apo pongantitn lolaki nantai monimbasi, ‘Cado! Aku co konal agatn kaitn.’

Matius 7:23

Watu nantaiam Aku paca'an mohukupm sia'. Aku paca'an bopandir agatn torus-torakng ko sia', ‘Sobondarnyo somuo kaitn urakng jahat. Aku co kalo konal agatn kaitn. Botula'cam doi' pohadapan-Ku!’ ”

Markus 10:21

Yesus mongilikng urakng nantai ongko mooso kasih. Kato Yesus ko io, “Tinggal sobuti' agi' cam inyo kurakng huatan inyo gola' kulo labuhan. Pulakngcam, huatan jualcam somuo kodampuan kulo. Lopasnyo pombagian cam duitnyo ko boko urakng jaro. Agatn sama'an nantai, kulo paca'an bodapat kodampuan di sorugo. Lopas kulo molabuhan somuonyo nantai, datakng agi' cam ko si'itn lalu tuyut Ku.”

Markus 8:34

Lopas nantai, Yesus moningkau urakng banya' inyo ado di santai bosamo agatn boko murid-Nyo. Kato-Nyo ko sia', “Aman urakng bondar-bondar honda' monjadi murid-Ku, io gola' moninggalan boko kohonda' dirinyo siku'. Io gola' momikul salibnyo. Boko murid-Ku gola' sama'an nian huatan totap tuyut Ku.

Lukas 13:27

Apo Habakng nantai tajahan bopandir agi' ko kaitn, ‘Aku co konal agatn kaitn. Jojouhcam doi' pohadapan-Ku! Somuo kaitn urakng jahat.’

Lukas 9:23

Lopas nian Yesus bopandir ko somuo urakng inyo ado di santai, “Aman ado di antaro kaitn inyo bondar-bondar honda' monjadi murid-Ku, io gola' moninggalan kohonda' dirinyo siku'. Sotiap ari, io gola' bojago-jago huatan bosodia monanggukng bobatn, ongko bosodia mohadapi ajab sonsaro ongkopan sampai mati. Nian samo ubo urakng inyo dihukupm mati gola' momikul kayu salibnyo. Boko murid-Ku gola' samaꞌan nian jam huatan hala monumpakng la'apo inyo udah Aku labuhan.

Yohanes 10:14

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 10:8

Somuo urakng inyo datakng sobolupm Aku, sia' nam pongolit ongko porampok. Apo boko domba co mondinga'an saro sia'.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Yohanes 21:22

Timbas Yesus, “Jangan bopikir mongona'i roncana-Ku pakai' urakng bukai. Soandainyo, Aku honda' oca' io totap hidup sampai Aku datakng agi', nantai bukainyo urusan kolai. Apo Aku monyiuh kolai: Tuyut Aku.”

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Yohanes 8:12

Yesus bopandir agi' ko urakng banya'. Kato-Nyo, “Aku ninam torakng dunia. Sotiap urakng inyo tuyut Aku, io co paca'an bojalatn di kompotakan, apo io paca'an ado torakng pakai' kohidupannyo.”

Yohanes 8:43

Mapo kaitn co mongoroti pomandiran-Ku? Ninam sobabnyo: Obai kaitn co honda' mondinga' bobondar ajaran-Ku.

Kisah Boko Rasul 3:23

Aman ado urakng inyo kinyo monaati pomandiran-Nyo, urakng nantai tajahan dikoluaran doi' umant Allah ongko dibonasoan.’

1 Korintus 8:3

Apo urakng inyo mongasihi Allah, urakng nantai dikotohu'i Allah. Ongko urakng nantai bondar-bondar pintar-corodi'.

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

2 Timotius 2:19

Apo Allah bulah pondasi inyo kuat, inyo kinyo toguyakng. Di pucu' pondasi nantai totulis, “Tuhatn mongonal boko urakng inyo bondar-bondar umputn Sio,” huatan “Urakng inyo bopandir aman io nantai umputn Allah, urakng nantai gola' botongga' molabuhan inyo jahat.”

Ibrani 3:7

Jadi, kaitn gola' monuruti pomandiran Roh Allah ni'in: “Sari ni'in, watu kaitn mondinga' saro Tuhatn,

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.