Yohanes 10:13 - Porjanjian Boharu Torjomahan Baso Dilakng Soari-ari

¹³ Urakng nantai rari obai io bayo urakng upahan. Io co poduli agatn boko domba nantai.

Yohanes 10:13 ပူးပေါင်းရင်းမြစ်များ

Yohanes 10:12

Urakng upahan, io nian bukainyo urakng pongombolo. Io bukainyo umputn boko domba nantai. Aman io moniant payau datakng, io rari moninggalan boko dombanyo. Lalu payau nantai monorokam huatan boko domba nantai botomboburan.

Yohanes 10:14

Apo Aku ninam pongombolo inyo boi'. Samo agatn Allah Bopai mongonal Aku huatan Aku mongonal Bopai, ubo nian jam Aku mongonal boko domba-Ku huatan sia' mongonal Aku. Aku monyorahan hidup-Ku pakai' monyolamant'an sia'.

Yohanes 12:6

(Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

Kisah Boko Rasul 18:17

Watu nantai, sia' somuo monangkap kopala' rumah sombayakng agama Yahudi. Damonyo Sostenes. Io dipodularan di tongah-tongah ruakan pongadilan nantai. Apo Galio samo sokali kinyo poduli.

1 Korintus 7:32

Aku honda' oca' kaitn cado kuatir mongona'i la'apo pan. Siku' urakng lolaki inyo kinyo kawitn ulih borotian boko hal mongona'i Tuhatn, ia'an ubo apo caronyo io ulih monyonangan Tuhatn.

1 Korintus 7:33

Apo siku' urakng lolaki inyo kawitn gola' borotian mongona'i boko hal di dunia ni'in, ia'an ubo apo caronyo io ulih monyonangan bininyo.

Filipi 2:20

Conyiant urakng bukai samo sama'an Timotius inyo bosamo agatn aku. Io sohati agatn aku ongko bobondar momporhatian kopontikan kaitn.