Yohanes 10:10 - Porjanjian Boharu Torjomahan Baso Dilakng Soari-ari

¹⁰ Pongolit datakng ongkah bayo honda' mongolitam, mombunuh, mombonasoannam. Apo Aku datakng pakai' moonji'i hidup, ia'an hidup inyo sonang-nyaman.

Yohanes 10:10 ပူးပေါင်းရင်းမြစ်များ

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Matius 18:11

Obai Ana' Monsio datakng pakai' monyolamant'an urakng inyo sosat.]”

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Matius 21:13

Kato-Nyo ko sia', “Pomandiran Allah totulis dalapm buku Suci: ‘Rumah-Ku ia'an rumah pakai' bodoa.’ Apo kaitn monjadiannyo samo sama'an sayakng ponyamun!”

Matius 23:13

“Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Markus 11:17

Lalu, Sio mongajar sia'. Kato-Nyo, “Pomandiran Allah totulis dalapm Buku Suci: ‘Rumah-Ku ia'an rumah pakai' bodoa pakai' somuo banso.’ Apo kaitn monjadiannyo sama'an sayakng ponyamun!”

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Yohanes 10:1

Yesus ija' bopandir, “Pondinga'an bobondarcam, la'apo inyo Ku pandiran ni'in: Aman ado urakng inyo tamo ko dalapm kandakan domba, apo io kinyo molalu'i lawakng kandakan nantai, umpamonyo io mansu' monoi' doi'dindikng damo noi' doi' tompat bukai, urakng ubo nian urakng pongolit huatan porampok.

Yohanes 10:11

Aku ninam pongombolo inyo boi'. Pongombolo inyo boi' monyorahan hidupnyo pakai' monyolamant'an boko dombanyo.

Yohanes 12:47

Aku datakng pakai' monyolamant'an urakng, kinyo pakai' mohukupm urakng. Obai nantaiam, aman ado urakng inyo mondinga' ajaran-Ku, apo kinyo monurutinyo, bukainyo Aku mohukupm io.

Yohanes 12:6

(Sobondarnyo, io bopandir ubo nantai bilonyo obai io honda' monulukng urakng jaro, apo obai io pongolit. Io inyo monjujut kantong pakai' duit inyo urakng bukai onju' pakai' polayatan Yesus. Huatan io hala mongolit doi' nantai.)

Yohanes 3:17

Obai, Allah moutus Ana'-Nyo ko dunia ni'in pakai' monyolamant'an boko urakng, bukainyo pakai' mohukupm boko urakng.

Yohanes 5:40

Biar pan ubo nian, kaitn co honda' datakng ko Aku pakai' mondapat'an hidup nantai.

Yohanes 6:33

Obai, roti doi' Allah ia'an Sio inyo turutn doi' sorugo, inyo moonji'i hidup inyo sobondarnyo ko boko urakng di dunia.”

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Roma 2:21

Kaitn mongajar urakng bukai. Apo soharusnyo kaitn mongajar diri kaitn siku'! Kaitn mongajar urakng bukai, “Jangan mongolit!” Apo kaitn siku' mongolit!

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

Ibrani 6:17

Sama'an nian jam, Allah honda' monunju'an ko boko urakng inyo tajahan monorima' borokat inyo dijanjian-Nyo. Sio honda' oca' sia' lobih yakitn agatn hajat Sio kinyo tajahan borubah. Obai nantai am Allah monguat'an janji-Nyo agatn sumpah.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.