Yohanes 1:7 - Porjanjian Boharu Torjomahan Baso Dilakng Soari-ari

⁷ Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 1:7 ပူးပေါင်းရင်းမြစ်များ

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Yohanes 1:15

Yohanes momboritoan mongona'i Sio. Yohanes mondongkakng-mondorah, “Ninam Sio kujiku nantai, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado ija' tangga'i mulonyo, jouh sobolupm aku dilahiran.’ ”

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 1:36

Pas io moniant Yesus lalu, io bopandir, “Tiat! Nantaiam Sio, Ana' Domba Allah!”

Yohanes 1:9

Torakng inyo bondar, Torakng inyo tongahan datakng ko dunia huatan monoraki somuo urakng.

Kisah Boko Rasul 19:4

Ongko, Paulus monjolasan. Katonyo, “Yohanes mombaptis boko urakng sobagai tando obai sia' udah moninggalan boko dosa sia'. Yohanes jam momboritoan obai paca'an ado Urakng inyo datakng lopas io. Yohanes bopandir obai boko urakng gola' pocayo agatn Urakng nantai. Urakng nantai ia'an Yesus.”

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Efesus 3:9

Allah pan moutusku pakai' monyatoan ko somuo urakng mongona'i roncana-Nyo pakai' boko urakng bukainyo urakng Yahudi. Doi' awal-mulonyo, Allah inyo mombulah somuo hal bolupm momandirannyo ko monsio mongona'i roncana-Nyo nantai.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

Titus 2:11

Allah udah monunju'an koboi'an-Nyo inyo monyolamant'an somuo urakng. Biar pan kito kinyo cucu', Sio udah moonji'i jalatn oca' somuo urakng ulih disolamant'an.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.