Yohanes 1:48 - Porjanjian Boharu Torjomahan Baso Dilakng Soari-ari

⁴⁸ Natanael botakutn, “Sama'an apo Duatn tohu agatn aku?” Timbas Yesus, “Sobolupm Filipus moningkau kolai, Aku udah moniant kolai di babah kayu ara nantai.”

Yohanes 1:48 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Matius (ponagih pajak nantai), Yakobus (ana' Alfeus), Tadeus,

Matius 6:6

Apo watu kaitn bodoa, mansu'cam ko dalapm kamar kaitn, ongko tutupcam lawakng. Bodoacam ko Allah Bopai kaitn inyo ado di tompat tobumbutn nantai. Ongko bayo Allah Bopai kaitn inyo ulih mongotohu'i hal nantai, Sio paca'an moonji'i upah ko kaitn.

Yohanes 1:44

(Filipus nantai boasal doi' kota Betsaida, samo sama'an Andreas agatn Petrus.)

Yohanes 12:21

Boko urakng nantai datakng ko Filipus, murid Yesus inyo boasal doi' kota Betsaida di doerah Galilea. Sia' minto ko io, “Bopai, koi honda' botomu agatn Yesus.”

Yohanes 14:8

Ongko, Filipus bopandir ko Yesus, “Tuhatn, tulukng pulah oca' koi ulih moniant Bopai agatn mato koi siku'. Nantai pan cukupam pakai' koi.”

Yohanes 2:25

Sio co pontikng siku' urakng pakai' momadahannyo ko Sio mongona'i monsio, obai Sio tohu somuo inyo ado di dalapm hati monsio.

Yohanes 6:5

Watu Yesus borotian sokolilikng-Nyo, Sio moniant banya' bondar urakng inyo datakng ko Sio. Jadi, Sio bopandir ko Filipus, “Di mono kito dapat momboli roti, oca' somuo urakng ni'in dapat makatn?”

Yohanes 6:7

Timbas Filipus ko Sio, “Biar sayakan sodikit, roti sorogo duo ratus dinarpan kinyo cukup pakai' urakng sobanya' ni'in.”

1 Korintus 14:25

Obai kaitn monyampaian posatn-pontal doi' Allah, ongko somuo inyo dibumbutn dalapm hati urakng nantai paca'an dikotohu'i. Jadi, io paca'an moncungkukng huatan monyombah Allah kapikng mongatoan, “Allah bondar-bondar ado di tongah-tongah kaitn.”

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.