Yohanes 1:45 - Porjanjian Boharu Torjomahan Baso Dilakng Soari-ari

⁴⁵ Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 1:45 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Matius (ponagih pajak nantai), Yakobus (ana' Alfeus), Tadeus,

Matius 13:55

Padohal, Sio ongkah urakng biaso mo. Sio ninam ana' doi' urakng tukakng kayu. Indai-Nyo bodamoan Maria. Boko somadikan-Nyo ia'an Yakobus, Yusuf, Simon ongko Yudas.

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Markus 14:67

Watu io moniant Petrus tongahan botindu, io borotian mato-muho Petrus. Katonyo, “Pasti kolai ni'in pan urakng inyo hala bosamo-samo agatn Yesus, urakng doi' laman Nazaret nantai.”

Lukas 18:37

Sia' bopandir, “Yesus, Urakng Nazaret, tongahan lalu di si'itn.”

Lukas 2:4

Sama'an nian jam, Yusuf botula' doi' kota Nazaret di doerah Galilea, ko doerah Yudea ko kota Daud damonyo Betlehem, obai Yusuf doi' koturutan Daud.

Lukas 2:48

Urakng tuho-Nyo pan tonganga' kali moniant Yesus. Indai-Nyo bopandir ko Io. “Na, jangan ubo nian agatn indai-bopai kolai. Koi duo murakan udah kuatir monggoyapi kolai!”

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Lukas 3:23

Watu Yesus mula'i pogota'an-Nyo, Sio boumur kiro-kiro tigo puluh tohutn. Yesus dikonal boko urakng sobagai ana' Yusuf: Yusuf ana' Eli;

Lukas 4:22

Somuo urakng inyo ado di santai bopandir, “Sio urakng boi'.” Sia' hiratn mondingaꞌ pomandiran Sio inyo kotakan corodi'. Kato sia', “Padohal Sio ni'in ana' Yusuf mo!”

Yohanes 1:44

(Filipus nantai boasal doi' kota Betsaida, samo sama'an Andreas agatn Petrus.)

Yohanes 12:21

Boko urakng nantai datakng ko Filipus, murid Yesus inyo boasal doi' kota Betsaida di doerah Galilea. Sia' minto ko io, “Bopai, koi honda' botomu agatn Yesus.”

Yohanes 14:8

Ongko, Filipus bopandir ko Yesus, “Tuhatn, tulukng pulah oca' koi ulih moniant Bopai agatn mato koi siku'. Nantai pan cukupam pakai' koi.”

Yohanes 18:5

Timbas sia', “Koi monggoyapi Yesus doi' laman Nazaret.” Kato Yesus, “Aku ninam Io nantai.” (Yudas inyo honda' monyorahan Yesus, ko boko musuhnyo, io pan bodiritn bosamo agatn sia').

Yohanes 18:7

Yesus botakutn sokali agi' ko sia', “Kaitn monggoyapi sopo?” Kato sia', “Koi monggoyapi Yesus doi' laman Nazaret.”

Yohanes 19:19

Pilatus udah monyiuh pakai' momasakng tulisan ni'in di dipucu' kayu salib nantai. Bunyinyo, “Ninam Yesus, urakng Nazaret, Rajo urakng Yahudi.”

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Yohanes 6:42

Kolompok urakng Yahudi nantai bopandir, “Yesus ni'in bayo ana' Yusuf pan? Kito konal agatn indai bopai-Nyo. Ubo apo Io ulih bopandir, Aku turutn doi' sorugo?”

Yohanes 6:5

Watu Yesus borotian sokolilikng-Nyo, Sio moniant banya' bondar urakng inyo datakng ko Sio. Jadi, Sio bopandir ko Filipus, “Di mono kito dapat momboli roti, oca' somuo urakng ni'in dapat makatn?”

Yohanes 6:7

Timbas Filipus ko Sio, “Biar sayakan sodikit, roti sorogo duo ratus dinarpan kinyo cukup pakai' urakng sobanya' ni'in.”

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Kisah Boko Rasul 22:8

Ongko aku botakutn, ‘Sopo Duatn, Tuhatn?’ Timbas-Nyo, ‘Aku ninam Yesus, urakng Nazaret, inyo kolai dorako'i nantai!’

Kisah Boko Rasul 26:9

Komai aku pan bopikir obai aku gola' molawatn agatn koras somuo urakng inyo pocayo agatn Yesus doi' Nazaret.

Kisah Boko Rasul 3:6

Apo Petrus bopandir, “Aku co nyiant duit omas ongko pira' pakai' monulukng kolai. Apo ado caro bukai aku ulih monulukng kolai: Agatn kuaso Yesus Kristus, doi' laman Nazaret, bojalatncam!”