Yohanes 1:44 - Porjanjian Boharu Torjomahan Baso Dilakng Soari-ari

⁴⁴ (Filipus nantai boasal doi' kota Betsaida, samo sama'an Andreas agatn Petrus.)

Yohanes 1:44 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Matius (ponagih pajak nantai), Yakobus (ana' Alfeus), Tadeus,

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Markus 3:18

Lopasnyo ado Andreas, Filipus, Bartolomeus, Matius, Tomas, Yakobus (ana' Alfeus), Tadeus, Simon (urakng Zelot),

Markus 6:45

Lopas nantai, Yesus copat monyiuh boko murid-Nyo jumpat porohu ongko mondoholu'i Sio ko kota Betsaida di soborakng danau. Tongahan nantai, Sio monyiuh urakng banya' nantai pulakng.

Markus 8:22

Lopas nantai, Yesus agatn boko murid-Nyo datakam di kota Betsaida. Di santai, ado urakng inyo buto. Boko urakng mombaba' io ko Yesus ongko momuhun oca' Yesus moncama'nyo pakai' monyamani io.

Lukas 10:13

Lalu Yesus moancapm boboropo kota di doerah Galilea. Kato-Nyo, “Allah tajahan mohukupm kaitn di kota Khorazim ongko Betsaida. Aku udah moniant'an kuaso-Ku doi' Allah agatn banyaꞌ mujisat di tongah-tongah kaitn, apo kaitn co pocayo agatn Aku. Kaitn co botongga' bulah dosa ongko co monuruti Allah. Soandainyo, Aku molabuhan boko mujisat nantai di kota Tirus ongko Sidon, pasti boko urakng di su'utn udah manah botongga' bulah dosa. Momakai banggi-pakaian bulikng undu' ongko mongguguran habu di pucu' kopala' sia', monunju'an sia' botongga' bulah dosa nantai.

Lukas 6:14

Ni'inan boko damo Rasul Yesus: Simon (Dionji'i Yesus damo Petrus), ongko Andreas somadikan Simon, Yakobus ongko Yohanes, Filipus ongko Bartolomeus, Matius ongko Tomas, Yakobus ana' Alfeus, ongko Simon (urakng Zelot) Yudas ana' Yakobus, (Bukainyo doi' koduo Rasul inyo bodamo Yakobus) ongko Yudas Iskariot (inyo tajahan mohianati Sio).

Lukas 9:10

Boko rasul Yesus bobali'. Sia' mongisahan ko Sio somuo inyo sia' labuhan timpu bojalatn ko boko laman nantai. Ongko, Yesus botula' bosamo boko rasul-Nyo, monuju ko kota Betsaida, bogoyap tompat inyo langunt oca' bayo ado sia' ja'am.

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 1:46

Kato Natanael ko io, “Ah! co mungkitn lou' inyo boi' boasal doi' laman Nazaret.”

Yohanes 1:48

Natanael botakutn, “Sama'an apo Duatn tohu agatn aku?” Timbas Yesus, “Sobolupm Filipus moningkau kolai, Aku udah moniant kolai di babah kayu ara nantai.”

Yohanes 12:21

Boko urakng nantai datakng ko Filipus, murid Yesus inyo boasal doi' kota Betsaida di doerah Galilea. Sia' minto ko io, “Bopai, koi honda' botomu agatn Yesus.”

Yohanes 12:22

Ongko Filipus botula' mongabaran hal nantai ko Andreas. Lopas nantai sia' duo monyampaiannyo ko Yesus.

Yohanes 6:5

Watu Yesus borotian sokolilikng-Nyo, Sio moniant banya' bondar urakng inyo datakng ko Sio. Jadi, Sio bopandir ko Filipus, “Di mono kito dapat momboli roti, oca' somuo urakng ni'in dapat makatn?”

Yohanes 6:7

Timbas Filipus ko Sio, “Biar sayakan sodikit, roti sorogo duo ratus dinarpan kinyo cukup pakai' urakng sobanya' ni'in.”

Kisah Boko Rasul 1:13

Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).