Yohanes 1:42 - Porjanjian Boharu Torjomahan Baso Dilakng Soari-ari

⁴² Andreas mombaba' Simon ko Yesus. Yesus moncorona'i ko arah Simon. Kato-Nyo, “Kolai ninam Simon, ana' Yohanes. Apo kolai paca'an ditingkau Kefas!” (damo ‘Kefas’ samo agatn ‘Petrus’. Rotinyo, ‘batu ndampar’.)

Yohanes 1:42 ပူးပေါင်းရင်းမြစ်များ

Matius 10:2

Ni'in daptar damo koduo bolas rasul nantai: Potamo, Simon (inyo Yesus damo'i Petrus jam), Andreas (somadikan Simon nantai), Yakobus (ana' Zebedeus) ongko somadikannyo Yohanes,

Markus 3:16

Koduo bolas urakng inyo Sio pilih ia'an: Simon (inyo Yesus damo'i Petrus),

Lukas 5:8

Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

Lukas 6:14

Ni'inan boko damo Rasul Yesus: Simon (Dionji'i Yesus damo Petrus), ongko Andreas somadikan Simon, Yakobus ongko Yohanes, Filipus ongko Bartolomeus, Matius ongko Tomas, Yakobus ana' Alfeus, ongko Simon (urakng Zelot) Yudas ana' Yakobus, (Bukainyo doi' koduo Rasul inyo bodamo Yakobus) ongko Yudas Iskariot (inyo tajahan mohianati Sio).

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Yohanes 4:16

Kato Yesus ko botina' nantai, “Hingkascam, tingkau cam laki kolai baba' ko si'itn.”

1 Korintus 1:12

Masudku, ado di antaro kaitn inyo bopandir, “Aku urakng doi' kolompok Paulus.” Ado inyo bukai bopandir, “Aku urakng doi' kolompok Apolos.” Damo “Aku urakng doi' kolompok Petrus.” Ado inyo bukai agi' inyo bopandir, “Aku urakng doi' kolompok Kristus.”

1 Korintus 15:5

Lopas nian Sio moniant'an diri Sio ko rasul Petrus, ongko ko koduo bolas rasul-Nyo.

1 Korintus 9:5

Rasul Petrus, boko somadikan Tuhatn Yesus, huatan boko rasul bukai mombaba' bini sia' inyo pocayo dalapm pojalatan polayatan sia'. Tontunyo koi pan bohak molabuhan nantai!

Galatia 1:18

Tigo tohutn lopas nian, hoyu' aku botula' ko Yerusalem. Aku honda' monomu'i rasul Petrus. Aku diapm sosamo agatn io somanah lima' bolas ari.

Galatia 2:11

Apo, suatu kali aku moolikan Petrus obai porbuatannyo salah. Nantai tojadi timpu Petrus mondataki kota Antiokhia.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.