Yohanes 1:39 - Porjanjian Boharu Torjomahan Baso Dilakng Soari-ari

³⁹ Kato-Nyo ko sia', “Hincapm, lalu kaitn paca'an moniant!” Jadi, sia' botula', lalu moniant tompat Sio bodiapm. Nantai tojadi kiro-kiro japm ompat babahari. Ari nantai, sia' diapm bosamo-samo agatn Sio.

Yohanes 1:39 ပူးပေါင်းရင်းမြစ်များ

Lukas 24:29

Apo sia' mombaba' Sio pakai' tinggal bosamo sia'. Kato sia', “Ari udah honda' malapam. Matoari hampikng tonggolapm. Bomalapm agatn koi di si'itn jam.” Jadi Sio mansu' ongko noluntukng samoan sia'.

Yohanes 1:38

Yesus mongilikng ko bolikat, moniant sia' tuyut Sio. Kato-Nyo ko sia', “Kaitn bogoyap la'apo?” Kato sia' ko Sio, “Rabi, Duatn diapm di mono?” ‘Rabi’ rotinyo ‘Guru’.

Yohanes 1:40

Andreas ia'an salah siku' doi' koduo murid nantai inyo mondinga' pandir Yohanes lalu io tuyut Yesus. Andreas nam somadikan bondar Simon Petrus.

Yohanes 1:46

Kato Natanael ko io, “Ah! co mungkitn lou' inyo boi' boasal doi' laman Nazaret.”

Yohanes 4:40

Pas boko urakng Samaria datakng ko Yesus, sia' kotakan muhun oca' Sio diapm agatn sia'. Jadi, Sio bodiapm di santai somanah duo ari.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.