Yohanes 1:34 - Porjanjian Boharu Torjomahan Baso Dilakng Soari-ari

³⁴ Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Yohanes 1:34 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 16:16

Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 27:40

Kato sia', “Uai Duatn inyo honda' morobahan Rumah Allah lalu mombangunnyo agi' dalapm tigo ari! Aman Duatn bondar-bondar Ana' Allah, solamant'anbo diri Duatn. Turutnbo doi' kayu salib nian!”

Matius 27:43

Sio pocayo ko Allah. Sio kalo bopandir obai Sio nam Ana' Allah. Jadi, aman Allah bondar-bondar sonang agatn Sio, biaram Allah monyolamant'an-Nyo watu ni'in!”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Matius 4:6

Io bopandir ko Yesus, “Aman Duatn bondar-bondar Ana' Allah, molansakngcam doi' si'itn ko babah! Obai ado pomandiran Allah inyo ditulis dalapm Buku Suci, ‘Allah paca'an monyiuh boko molekat-Nyo molinduki Duatn. Sia' paca'an monantaian jari sia' oca' kaki Duatn co moninggakng batu!’ ”

Matius 8:29

ongko mondorah, “Oi Ana' Allah! La'apo urusan Duatn agatn koi? Apobai Duatn datakng honda' mohukupm koi sobolupm watunyo inyo ditontuan Allah?”

Markus 1:1

Ninam Kabar Boi' mongona'i Yesus Kristus, Ana' Allah.

Markus 1:11

Lalu kodinga'an saro Allah doi' sorugo momadahan, “Kolainam Ana'-Ku inyo Ku kasihi. Kolainam monyonangan hati-Ku.”

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 10:30

Aku huatan Bopai-Ku siku'mo.”

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 11:27

Timbasnyo, “Au, Tuhatn! Aku pocayo agatn Duatn, nam Kristus, Rajo Inyo Dijanjian Allah. Duatn nam Ana' Allah inyo diutus ko dunia ni'in.”

Yohanes 19:7

Kato boko urakng Yahudi nantai ko io, “Koi ado poraturan agama. Monurut poraturan nantai, Sio gola' dihukupm mati. Obai, Sio mongatoan diri-Nyo Ana' Allah!”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

2 Korintus 1:19

Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

Ibrani 7:3

Solaitn nantai, conyiant kisah dalapm Buku Suci mongona'i indai, bopai, angki-bayatnnyo. Kolahirannyo huatan komatiannyo kinyo disobutan. Jadi, imam Melkisedek ado kosama'annyo agatn Ana' Allah. Io monjadi imam pakai' somanahnyo.

1 Yohanes 2:23

Obai, urakng inyo monula' Ana', boroti urakng nantai kinyo hidup bosatu agatn Allah Bopai. Apo, urakng inyo monorima' Ana', boroti urakng nantai hidup bosatu agatn Bopai.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

1 Yohanes 4:9

Agatn caro inyo sama'an ni'in Allah monunju'an kasih-Nyo ko kito: Ia'an nantai, Allah udah moutus Ana'-Nyo inyo tunggal ko dalapm dunia. Oca' Ana'-Nyo ulih moonji'i hidup inyo sobondarnyo ko kito.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo

Wahyu 2:18

“Tuliscam pomandiran ni'in ko molekat inyo monjago jomaat di Tiatira: Pomandiran ni'in doi' ana' Allah, inyo mato-Nyo sama'an api huatan kaki-Nyo sama'an tombago