Yohanes 1:31 - Porjanjian Boharu Torjomahan Baso Dilakng Soari-ari

³¹ Sobolupmnyo, aku co tohu sopo Sio nantai. Padohal aku datakng mombaptis agatn ara'i oca' urakng Israel mongonal Sio.”

Yohanes 1:31 ပူးပေါင်းရင်းမြစ်များ

Matius 3:13

Lopas nantai, Yesus datakng doi' doerah Galilea ko sungai Yordan oca' Sio ulih dibaptis Yohanes.

Matius 3:6

Sia' moaku'i boko dosa sia' huatan Yohanes mombaptis sia' di Sungai Yordan.

Lukas 1:17

Io paca'an ado sipat ongko kuaso samaꞌan Nabi Elia komai. Io paca'an datakng sobolupm kodatakan Tuhatn. Io paca'an mongomboi'i hubukan antaro urakng tuho agatn ana'nyo. Urakng inyo kinyo taat paca'an dipimpitnnyo ko jalatn inyo bondar, oca' monjadi taat agatn porintah Allah. Jadi ubo nian jam, io paca'an momposiapan hati boko urakng inyo siap hidup agatn caro inyo sosuai agatn kohonda' Tuhatn. Oca' siaꞌ udah siap pakai' monorima' Tuhatn.”

Yohanes 1:30

Ninam Sio ujiku inyo ku pandiran watu, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado doi' mulonyo, jouh sobolupm aku dilahiran.’

Yohanes 1:32

Yohanes pan mongisahan, katonyo, “Aku udah moniant Roh Allah turutn doi' langit samo sama'an burukng daro. Roh Allah nantai mohinggap di pucu' Yesus.

Yohanes 1:33

Watu nantai, aku co tohu sopo Sio. Apo Allah inyo moutus aku pakai' mombaptis agatn ara'i, udah bopandir ko aku, ‘Aman kolai moniant Roh Allah turutn ko pucu' siku' urakng, lalu mohinggap di pucu'-Nyo, jadi urakng nantaiam Urakng inyo paca'an mombaptis agatn Roh Allah.’

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Kisah Boko Rasul 19:4

Ongko, Paulus monjolasan. Katonyo, “Yohanes mombaptis boko urakng sobagai tando obai sia' udah moninggalan boko dosa sia'. Yohanes jam momboritoan obai paca'an ado Urakng inyo datakng lopas io. Yohanes bopandir obai boko urakng gola' pocayo agatn Urakng nantai. Urakng nantai ia'an Yesus.”