Yohanes 1:29 - Porjanjian Boharu Torjomahan Baso Dilakng Soari-ari

²⁹ Kohobu'annyo, Yohanes moniant Yesus datakng ko io. Yohanes bopandir, “Tiat! Numbo, Ana' Domba inyo diutus Allah oca' mohapus dosa dunia.

Yohanes 1:29 ပူးပေါင်းရင်းမြစ်များ

Matius 1:21

Maria paca'an boana'an siku' bobia' lolaki. Kolai gola' mondamo'i-Nyo, Yesus, obai Io monyolamant'an umant-Nyo doi' boko dosa sia'.”

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Yohanes 1:35

Kohobu'annyo, Yohanes bodiritn agi' di tompat nantai. Bosamo agatn duo muridnyo.

Yohanes 1:36

Pas io moniant Yesus lalu, io bopandir, “Tiat! Nantaiam Sio, Ana' Domba Allah!”

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 2:1

Kotigo arinyo, ado pogai kawitn di laman Kana di propinsi Galilea. Indai Yesus ado di santai.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Kisah Boko Rasul 13:39

Jadi, somuo urakng inyo pocayo agatn Yesus, dipohitukan bondar di hadapan Allah.

Kisah Boko Rasul 8:32

Bagian Buku Suci inyo dibaco pojabat nantai dinga' ni'innan: “Sio dibaba' pakai' dibunuh samo ubo siku' domba dibaba' pakai' disombolih. Apo Sio nantai co mongatoan la'apo pan samo ubo siku' domba kinyo bosaro timpu urakng mongguntikng bulunyo.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Galatia 1:4

Yesus monyorahan diri-Nyo huatan mati di kayu salib. Agatn porbuatan nantai, Sio monyolamant'an kito doi' hukupan boko dosa kito. Sio molabuhan nantai pakai' monyolamant'an kito doi' kojahatan inyo ado di joman ni'in jam. Somuo nantai tojadi sosuai agatn kohonda' Allah.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

1 Timotius 2:6

Yesus monyorahan diri sampai mati pakai' monanggukng hukupan dosa somuo urakng. Hal ni'in dibutian pas watu inyo ditontuan Allah.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

1 Petrus 1:19

Apo tobusan nantai dibayar agatn sosuatu inyo kotakan mahal, ia'an darah Kristus. Sio monjadi kurbatn inyo boi' pakai' mombayar hukupan dosa kito, samo sama'an ana' domba inyo kinyo bonoda huatan kinyo cacat.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

1 Yohanes 3:5

Kaitn tohu obai Kristus datakng pakai' moamputi dosa monsio. Sio samo sokali co bodosa.

1 Yohanes 4:10

Ninam kasih nantai, bukainyo kito inyo udah mongasihi Allah, apo Allah inyo udah mongasihi kito: Sio moutus Ana'-Nyo pakai' mati oca' kito dapat dibebasan doi' hukupan dosa.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 14:1

Lopas nian, aku moniant, wah, Ana' Domba bodiritn di bukit Sion. Bosamo agatn Sio ado soratus ompat puluh ompat ribu urakng. Di koning boko urakng nantai ado totulis damo Ana' Domba huatan damo Bopai-Nyo.

Wahyu 14:10

somuo urakng nantai paca'an dihukupm borat kinyo kurakng. Samo sama'an sia' minum anggur inyo molambakan ponggodi Allah. Anggur nantai kotakng koras, co dicampur agatn ara'i dalapm cangkir Allah. Sia' paca'an disiksa dalapm api huatan bolerang di pohadapan mato boko molekat Allah huatan di pohadapan mato Ana' Domba.

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 17:14

Sia' paca'an boparakng molawatn Ana' Domba. Apo Ana' Domba paca'an mongalahan sia', obai Sionam Tuhatn inyo bokuaso dipucu' boko tuhatn, Rajo di pucu' somuo rajo bukai. Boko urakng inyo bosamo agatn Ana' Domba paca'an monang, ia'an sia' inyo ditingkau, inyo dipilih, inyo sotia ko Sio.”

Wahyu 19:7

Maracam kito bosonang-sonang huatan bonyanyi-bosair. Pujicam Sio obai ari kawitan Ana' Domba nantai udah watunyoam. Pongantitn-Nyo udah siap.

Wahyu 19:9

Lalu, molekat nantai bopandir ko aku, “Tuliscam ni'in: Bahagiacam boko urakng inyo dihundakng ko pogai kawitn Ana' Domba nantai.” Molekat nantai jam bopandir ko aku, “Nantaiam boko pomandiran inyo bondar doi' Allah!”

Wahyu 21:14

Dindikng kota nantai jam ado duo bolas batu pondasi. Di sotiap batu nantai totulis damo doi' koduo bolas rasul Ana' Domba nantai.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”

Wahyu 5:6

Lalu, aku moniant siku' Ana' Domba inyo kotiat'annyo samo sama'an udah disombolih. Sio bodiritn di tongah-tongah tahta, koompat mahluk, ongko koduo puluh ompat pomimpitn nantai. Sio ado tujuh tandu' ongko tujuh mato. Nantai ia'an tujuh Roh Allah inyo diutus ko soluruh dunia.

Wahyu 5:8

Pas Sio monguti' gulukan buku nantai, koompat mahluk ongko koduo puluh ompat pomimpitn nantai lansukng tundu' monyungkapan di hadapan Ana' Domba nantai. Sia' siku'-monyiku' monjujut kocapi. Somuo sia' pan ado cangkir omas inyo boisi komonyan. Nantaiam somuo doa urakng inyo pocayo.

Wahyu 6:1

Lopas nian, aku moniant Ana' Domba nantai mombuka' segel potamo doi' kotujuh segel nantai. Watu nantai, aku mondinga' salah siku' doi' koompat mahluk hidup nantai bopandir agatn saro borakng samo sama'an bunyi guntur solitar. Katonyo, “Hincapm!”

Wahyu 6:16

Sia' bopandir ko boko gunung ongko boko batu nantai, “Jatu'cam tinggakng koi. Ombakan cam koi doi' Sio inyo dudu' di pucu' tahta. Ombakan cam koi doi' ponggodi Ana' Domba nantai!

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”