Yohanes 1:19 - Porjanjian Boharu Torjomahan Baso Dilakng Soari-ari

¹⁹ Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 1:19 ပူးပေါင်းရင်းမြစ်များ

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 10:24

Ado boko urakng Yahudi datakng bokumpul di sokolilikng Yesus. Kato sia' ko Sio, “Boropo manah agi' Duatn mombiaran koi gangga'-gua'an! Aman Duatn memang Kristus, Rajo Inyo Dijanjian Allah, padahancam agatn torus torakng ko koi.”

Yohanes 10:31

Pas boko urakng Yahudi mondinga' pandir Yesus bunyi nantai, sokali agi' boko urakng Yahudi ngopil boko batu pakai' monikapm Yesus.

Yohanes 11:19

Jadi, banya' urakng Yahudi udah datakng ko Marta huatan Maria pakai' mohibur sia' obai somadikan sia' mati.

Yohanes 2:18

Boko pomimpitn agama Yahudi inyo ado di santai molawatn Yesus. Kato sia', “Butianbo aman Duatn ado hak pakai' molabuhan hal inyo ubo hoyu' Duatn labuhan nantai. Cubo Duatn mombulah mujisat oca' ado tando pakai' koi!”

Yohanes 2:20

Kato sia' ko Sio, “Rumah Allah ni'in dipulah somanah ompat puluh onam tohutn! Co mungkitn Kolai ulih mombangunnyo agi' dalapm tigo ari?”

Yohanes 5:10

Obai nianam, boko pomimpitn agama Yahudi bopandir ko urakng inyo hoyu' nyamanam nantai. Kato sia', “Sari ni'in ari Sabat. Jadi kolai culih mombaba' tikar kolai.”

Yohanes 5:15

Urakng nantai borangkat ko boko pomimpitn agama Yahudi nantai, lalu momadahannyo ko sia' obai urakng inyo monyamaninyo ni'in Yesus.

Yohanes 5:16

Jadi, boko pomimpitn agama Yahudi nantai bousaha honda' mondorako'i Yesus. Obai, Sio molabuhan boko hal ubo nantai watu ari Sabat.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 6:41

Ado boko urakng Yahudi inyo botuta' bomamai mongona'i Yesus obai Sio bopandir: “Aku ninam roti inyo turutn doi' sorugo.”

Yohanes 6:52

Mondinga' nantai, boko urakng Yahudi nantai botikakng agatn siku' monyiku'. Kato sia', “Ubo apo Sio ulih monyorahan isi-Nyo ko kito pakai' dipua'i?”

Yohanes 7:1

Lopas jadi nantai, Yesus bojalatn mongoliliki doerah Galilea. Sio co honda' ko doerah Yudea obai boko pomimpitn agama Yahudi di santai honda' mombunuh Sio.

Yohanes 7:11

Boko pomimpitn agama Yahudi boriso'i Sio di pogai nantai. Kato sia', “Di mono kiro Urakng nantai?”

Yohanes 7:15

Boko pomimpitn agama Yahudi hiratn bondar. Kato sia', “Ubo apo Urakng ni'in ulih tohu hala? Sio co jumpat sokolah husus Hukupm Torat.”

Yohanes 8:22

Jadi, boko pomimpitn agama Yahudi bopandir, “Kata'an Sio honda' bunuh diri ai? Mungkitn nantai sobabnyo Sio bopandir, ‘Kaitn culih datakng ko tompat Aku botula' nantai.’ ”

Yohanes 8:48

Boko pomimpitn agama Yahudi monimbas Yesus, “Pasti bondaram, aman koi mongatoan obai Duatn ninam urakng Samaria huatannyo korasu'an sitatn!”

Yohanes 8:52

Boko pomimpitn agama Yahudi nantai bopandir ko Yesus, “Watu ni'in koi tohu obai Duatn bondar-bondar korasu'an sitatn! Obai, Abrahapm udah mati, ubo nian jam boko nabi. Apo Duatn mongatoan: somuo urakng inyo monuruti pomandiran-Ku, sia' co paca'an mati somanah-manahnyo.

Yohanes 8:57

Boko pomimpitn agama Yahudi nantai bopandir ko Yesus, “Umur Kolai bolupm sampai lima' puluh tohutn. Mustahil Kolai udah moniant Abrahapm?”

Kisah Boko Rasul 13:25

Timpu Yohanes hampir monyolosaian polayatannyo, banya' urakng botakutn, ‘Duatn ninam Ponyolamant inyo dijanjian Allah nantai?’ Yohanes monimbasi, ‘Aku bukainyo Urakng inyo kaitn tanti nantai. Apo co manah agi' Sio paca'an datakng. Ongko monjadi hulutn-Nyo inyo kotakan babah pan, aku kinyo cucu', obai Sio jouh lobih bokuaso daripado aku.’

Kisah Boko Rasul 19:4

Ongko, Paulus monjolasan. Katonyo, “Yohanes mombaptis boko urakng sobagai tando obai sia' udah moninggalan boko dosa sia'. Yohanes jam momboritoan obai paca'an ado Urakng inyo datakng lopas io. Yohanes bopandir obai boko urakng gola' pocayo agatn Urakng nantai. Urakng nantai ia'an Yesus.”

1 Yohanes 1:5

Ninam borito inyo udah koi dinga' doi' Yesus Kristus lalu koi padahan ko kaitn: Allah nantai torakng. Conyiant kogolapan samo sokali di dalapm Sio.