Yohanes 1:17 - Porjanjian Boharu Torjomahan Baso Dilakng Soari-ari

¹⁷ Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 1:17 ပူးပေါင်းရင်းမြစ်များ

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 5:45

Jangan kaitn bopikir obai Aku paca'an monyalahan kaitn di hadapan Bopai. Urakng inyo monyalahan kaitn nan Musa. Kaitn boharap kaitn paca'an disolamant'an obai kaitn monaati porintah Allah inyo ditulis Musa. Apo, justru Musanam inyo monyalahan kaitn.

Yohanes 7:19

Musa udah moonju' ko kaitn Hukupm Torat. Apo conyiant sikuꞌ urakng pan di antaro kaitn inyo monaatinyo. Hibo kaitn honda' mombunuh Aku?”

Yohanes 8:32

Kaitn paca'an mongotohu'i kobondaran huatan kobondaran nianam paca'an mombulah kaitn monjadi merdeka.”

Yohanes 9:29

Koi tohu obai Allah udah bopandir ko Musa. Apo koi co tohu doi' mono asal Urakng nantai.”

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 7:38

Somanah angki-bayatn kito urakng Israel ado di padakng pasir, Musa ado bosamo sia'. Io monjadi porontaro pakai' sia' obai io monorima' pomandiran Allah doi' molekat di Gunung Sinai, ongko io monyampaian pomandiran Allah nantai ko sia'. Sampai ari ni'in pan pomandiran Allah nantai totap bolaku. Pomandiran Allah nantai monjolasan caro hidup inyo monyonangan Allah.

Roma 6:14

Dosa kinyo monguaso'i kaitn agi'. Sobab, kaitn kinyo hidup dibabah kuaso Hukupm Torat, apo kaitn hidup dibabahkuaso Allah inyo hala monunju'an koboi'an-Nyo ko kaitn.

Galatia 3:17

Masud aku ubo ni'in: Allah udah tolobih doholu monsahan janji-Nyo. Hukupm Torat dionju' ko Musa ompat ratus tigo puluh tohutn lopas nantai. Jadi, Hukupm Torat nantai kinyo ulih mombalakan janji Allah doi' komai. Janji Allah nantai ija' bolaku.

Ibrani 9:22

Memang monurut Hukupm Torat, hampir somuo hal monjadi borosih agatn darah. Dosa monsio bayo ulih diamputi aman darah doi' kurbatn posombahan ditumpahan.