Yohanes 1:1 - Porjanjian Boharu Torjomahan Baso Dilakng Soari-ari

¹ Mulonyo, sobolupm la'apo pan dipulah, ado Sio inyo disobut ‘Pandir Allah’. Pandir nantai bosamo agatn Allah. Pandir nantai jam samo agatn Allah.

Yohanes 1:1 ပူးပေါင်းရင်းမြစ်များ

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Lukas 24:53

Sia' hala momuji-muji Allah di tongahlamanan Rumah Allah sotiap ari.

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 1:2

Doi' somulonyo, Sio bosamo Allah.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

Efesus 3:9

Allah pan moutusku pakai' monyatoan ko somuo urakng mongona'i roncana-Nyo pakai' boko urakng bukainyo urakng Yahudi. Doi' awal-mulonyo, Allah inyo mombulah somuo hal bolupm momandirannyo ko monsio mongona'i roncana-Nyo nantai.

Filipi 2:6

Memang bondar, Yesus Kristus samo agatn Allah. Apo, Sio kinyo bopikir Sio gola' momportahatan kodudu'an nantai.

Kolose 1:15

Yesus Kristus nantai rupo Allah. Biar pan monsio kinyo moniant Allah, apo monsio ulih mongonal Sio molalu'i Yesus Kristus. Kristus inyo palikng bokuaso di pucu' somuo inyo dipulah-Nyo.

Kolose 1:17

Sio udah ado sobolupm somuo hal dipulah. Somuo hal totap ado di tompatnyo obai Sio.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Ibrani 13:8

Yesus Kristus kinyo borubah. Sio totap samo sokomai, ni'inan sampai somanah-manahnyo.

Ibrani 7:3

Solaitn nantai, conyiant kisah dalapm Buku Suci mongona'i indai, bopai, angki-bayatnnyo. Kolahirannyo huatan komatiannyo kinyo disobutan. Jadi, imam Melkisedek ado kosama'annyo agatn Ana' Allah. Io monjadi imam pakai' somanahnyo.

2 Petrus 1:1

Surat ni'in doi' ku, Simon Petrus, urakng inyo molayati Yesus Kristus. Aku pan diutus sobagai rasul-Nyo. Surat ni'in ko boko urakng inyo pocayo ko Yesus Kristus samo sama'an koi. Sio udah moonji'i kito kosompatan nantai obai Sio hala molabuhan inyo bondar. Sio nam Allah ongko Ponyolamant kito.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Yohanes 5:7

Jadi ado tigo hal inyo bosasi mongona'i sopo Yesus sobondarnyo:

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,

Wahyu 1:2

Dalapm buku ni'in Yohanes monulis mongona'i Pomandiran Allah huatan mongona'i boko hal inyo Yesus Kristus nyatoan ko io, ia'an boko la'apo inyo Yohanes tiat dalapm poniant'an nantai.

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 19:13

Sio momakai jubah inyo udah diconcah ko darah. Sio jam bodamoan “Pandir Doi' Allah”.

Wahyu 2:8

“Tuliscam pomandiran ni'in ko molekat inyo monjago jomaat di Smirna: Pomandiran ni'in doi' Sio, inyo Potamo ongko inyo Toahir, Sio udah mati apo hidup agi'.

Wahyu 21:6

Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.

Wahyu 22:13

Aku ninam Alpa ongko Omega, inyo Potamo ongko inyo Toahir, inyo ada'an doi' mulo watu dunia dipulah sampai dunia lonyap.”

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.