Yakobus 5:6 - Porjanjian Boharu Torjomahan Baso Dilakng Soari-ari

⁶ Kaitn udah mohukupm huatan mombunuh urakng inyo co bosalah huatan urakng nantai kinyo molawatn kaitn.

Yakobus 5:6 ပူးပေါင်းရင်းမြစ်များ

Matius 21:38

Apo, pas boko potani ponyewa nantai moniant ana' urakng umputn kobutn tongahan datakng, sia' bohoupm agatn siku'-monyiku', ‘Io nian ia'an ahli waris puku' kobutn ni'in nononyo io monjadi urakng umputn kobutn ni'in aman bopainyo udah mati. Mara, kito mombunuh io oca' warisan kobutn ni'in paca'an monjadi umputn kito!’

Matius 27:20

Apo boko imam kopala' ongko boko pomimpitn banso Yahudi mohasut urakng banya' nantai pakai' mominto oca' Barabas dilopasan huatan Yesus dihukupm mati.

Matius 5:39

Apo Aku moonju' porintah ni'in ko kaitn: Jangan mombalas urakng inyo molabuhan kojahatan ko kaitn. Umpamonyo, aman urakng monompilikng pipi kanan kaitn sorahan jam pipi kiba' kaitn pakai' ditompilikngnyo.

Kisah Boko Rasul 22:14

Ongko Ananias bopandir ko aku, ‘Allah angki-bayatn kito udah momilih kolai pakai' mongotohu'i kohonda'-Nyo, pakai' moniant Yesus inyo hala hidup bondar di hadapan Allah, pakai' jam mondinga' saro-Nyo doi' nyao Sio siku'.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Kisah Boko Rasul 8:32

Bagian Buku Suci inyo dibaco pojabat nantai dinga' ni'innan: “Sio dibaba' pakai' dibunuh samo ubo siku' domba dibaba' pakai' disombolih. Apo Sio nantai co mongatoan la'apo pan samo ubo siku' domba kinyo bosaro timpu urakng mongguntikng bulunyo.

Ibrani 10:38

Umant-Ku inyo bondar paca'an pocayo, jadi sia' tajahan bodapat hidup inyo sobondar-bondarnyo. Apo aman ado inyo mundur jadi Aku co sonang agatn io.”

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.

Yakobus 4:2

Kaitn kotakan honda' sosuatu, apo co mondapat'annyo. Kaitn monjadi tungi. Jadi, kaitn bokolohi, botikakng sampai mombunuhpakai' mondapat'annyo. Apo sobondarnyo kaitn co mondapatnyo obai kaitn co momintonyo ko Allah.

1 Petrus 4:18

Nantai sosuai agatn tulisan ni'in di dalapm Buku Suci, “Boko urakng inyo hidup bondar di hadapan Tuhatn pan, sia' uyuh mondapat kosolamant'an. Jadi, lapo inyo tajahan tojadi agatn boko urakng bodosa inyo molawatn Tuhatn?”