Yakobus 5:3 - Porjanjian Boharu Torjomahan Baso Dilakng Soari-ari

³ Omas ongko pira' umputn kaitn paca'an botogar. Nianam mombutian obai kaitn tama'. Jadi, Allah paca'an mombonasoan kaitn, samo sama'an api inyo moloburan isi kaitn. Kaitn hala mongumpulan kodampuan pakai' hobu-lusonyo. Apo sobondarnyo joman ni'in nam ari toahir kaitn.

Yakobus 5:3 ပူးပေါင်းရင်းမြစ်များ

Kisah Boko Rasul 2:17

Allah bopandir, ‘Watu ahir joman, Aku paca'an moonji'i Roh-Ku ko somuo urakng. Ongko boko ana' kaitn, lolaki huatan botina' tajahan monyampaian posatn-Ku ko boko urakng. Boko bujakng muda' kaitn paca'an bodapat boko poniant'an, Boko urakng tuho kaitn paca'an bodapat boko mimpi husus.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

2 Timotius 2:17

Ajaran sia' inyo salah nantai monyebar samo sama'an ponyakit kulit inyo bogola'i. Duo urakng inyo mongajar ajaran inyo salah sama'an nantai ia'an Himeneus huatan Filetus.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.

Wahyu 17:16

Kosopuluh tandu' inyo kolai tiat nantai bosamo agatn bonatakng nantai paca'an bonci' agatn lahukng nantai. Sia' paca'an morampas somuo hal inyo umputnnyo huatan mongolanjakinyo. Sia' paca'an momua'i isinyo, lalu mombonasoannyo agatn api.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”