Yakobus 5:15 - Porjanjian Boharu Torjomahan Baso Dilakng Soari-ari

¹⁵ Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

Yakobus 5:15 ပူးပေါင်းရင်းမြစ်များ

Matius 17:20

Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Yohanes 5:14

Kohobu' kolusoannyo, Yesus botomu agatn urakng inyo dinyamani nantai di tongahlamanan Rumah Allah. Kato Yesus ko io, “Dinga'ancam! Ni'in kolai udah nyamanam. Jangan bulah dosa agi' oca' kolai co kona' la'apo pan inyo lobih buru'.”

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

2 Korintus 4:14

Obai, koi pocayo obai Allah inyo udah mombulah Tuhatn Yesus bobali' hidup, ubo nian jam paca'an bulah koi hidup agi' pakai' hidup kokal bosamo agatn Yesus. Allah paca'an mombaba' koi bosamo-samo agatn kaitn kopohadapan diri-Nyo.

Yakobus 1:6

Apo, watu io mominto, io bondar-bondar pocayo obai Allah honda' monulukng io. Kobola'i Sio culih gangga'-gua'an. Obai, urakng inyo gangga'-gua'an samo sama'an golumbakng lout. Kadakng angin moniup golumbakng nantai ko arah si'itn, kadakng ko arah su'utan.

Yakobus 5:13

Aman ado di antaro kaitn inyo sonsaro, io gola' bodoa minto potulukan Tuhatn. Aman ado di antaro kaitn inyo hidupnyo sonang, io gola' bonyanyi momuji Tuhatn.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

Yakobus 5:20

Urakng inyo mombimbikng io nantai, gola' mongotohu'i ni'in: Aman urakng bodosa nantai bobali' monuruti ajaran inyo bondar, jadi jiwa urakng nantai paca'an disolamant'an doi' noraka huatan banya' dosa jam paca'an diamputi.