Yakobus 5:13 - Porjanjian Boharu Torjomahan Baso Dilakng Soari-ari

¹³ Aman ado di antaro kaitn inyo sonsaro, io gola' bodoa minto potulukan Tuhatn. Aman ado di antaro kaitn inyo hidupnyo sonang, io gola' bonyanyi momuji Tuhatn.

Yakobus 5:13 ပူးပေါင်းရင်းမြစ်များ

Matius 26:30

Lalu, Yesus ongko boko murid-Nyo monyanyian lagu pujian ko Allah. Lopas nantai, sia' botula' ko bukit Jaitun.

Lukas 22:44

Yesus maho salu'. Jadi, Sio mongkitn somombondarnyo bodoa. Rada'-Nyo ubo darah tatap ko tanah.

Lukas 23:42

Lalu io bopandir agatn Yesus, “Ingantcam aku, watu Duatn monguaso'i somuo la'apo pan sobagai Rajo!”

1 Korintus 14:15

Jadi, gola' kito molabuhan ni'in: Kito gola' bodoa momakai roh kito. Apo kito pan gola' bodoa momakai akal budi kito. Kito gola' bonyanyi pujian momakai roh kito. Apo kito pan gola' bonyanyi pujian momakai akal budi kito.

1 Korintus 14:26

Jadi ubo ni'in boko somadikan: Watu kaitn bokumpul pakai' sombayakng, ado inyo monyanyi lagu pujian, ado inyo moajaran sosuatu, ado inyo monyampaian sosuatu inyo Allah poniant'an ko io, ado inyo bopandir pakai baso roh, ado inyo monjolasan roti doi' pomandiran dalapm boko baso nantai. Somuo nantai gola' dilabuhan pakai' monguat'an urakng bukai.

Efesus 5:19

popado bopandir cam agatn momakai kato-pandir doi' mazmur, puji-pujian huatan nyanyian rohani. Bonyanyi cam momuji Tuhatn agatn hati inyo rindakng.

Ibrani 5:7

Watu Yesus hidup di dunia ni'in sobagai monsio, Sio bodoa kapikng mondorah huatan monangis. Sio momuhun ko Allah inyo sanggup monyolamant'an-Nyo doi' komatian. Allah monimbasi doa-Nyo obai Sio hala monuruti kohonda' Allah.

Yakobus 5:10

Boko somadikan, turuticam toladatn boko nabi. Tuhatn moutus sia' pakai' momadahan boko posatn-Nyo. Sia' sonsaro obai molabuhan tugas nantai. Apo, sia' totap sabar botahatn.

Wahyu 14:3

Sia' monyanyian suatu nyanyian boharu di pohadapan tahta huatan koompat mahluk ongko boko pomimpitn nantai. Conyiant urakng bukai inyo ulih mompolajari nyanyian nantai kocuali soratus ompat puluh ompat ribu urakng nantai. Ia'an sia' inyo Yesus udah bebasan doi' bumi.

Wahyu 7:10

Sia' mondongkakng-mondorah, “Topujicam Allah koi. Koi disolamant'an ulih Sio inyo dudu' di tahta ongko ulih Ana' Domba!”